2009年10月24日(六) -- 河口湖之旅 Day 1 (part 1) -- 新宿往河口湖

喺我既壓力同微言之下, 流沙包終於黎佐日本探我. 佢23號夜機到, 26號夜機返香港.

所以趁24同25號呢個weekend, 我地去佐山梨縣既河口湖玩.

由於朝早時段既高速巴士已經full晒, 我又唔想咁晏先去到河口湖, 所以焗住買特急車飛由新宿往大月, 再係大月轉富士急行線往河口湖駅.

因為我買指定席, 所以全程夾埋要2,690円(如果搭高速巴士只需要1,700円).

 

原定時間係7:55到大月, 點知好"難得"地班車竟然遲到, 8:03先到. 好彩跟住果班富士急行電車開8:19, 所以都唔駛太趕. 由大月往河口湖駅, 車費每位1,110円.

呢卡係咪好靚呢? 因為要另外加錢先可以搭架. 我地無加錢, 搭番D普通車卡:

 

我地7:00由新宿出發, 9:09終於黎到河口湖駅啦. 超凍囉, 著唔夠衫添...

河口湖車站:

 

去到車站買佐套遊覽船+纜車+巴士既套票, 夾埋只係2,000円, 幾抵架:

跟住搭呢隻河口湖周遊レトロバス暢遊河口湖各個景點:

レトロバス資料