我都唔明, 點解班友仔可以成日都TEA, 明明十二點半都已經lunch架啦, 都唔明班人每日十一點幾都奉旨入pantry嘆茶high tea, 仲要成班圍埋嘻嘻哈哈係?面成粒鐘咁濟. D笑聲大到我個位距離pantry咁遠都可以聽到佢地D爆笑聲. 果班人日日係pantry嘆茶食cake. 然後有人仲可以話自己好忙好多野做, 難為其他人真係忙到斟水去toilet都無時間. 咁又係既, 班PK怕且係忙住嘆茶講是非八卦囉~ (theme theme我都知你係為勢所迫, 唔係話埋你)
我覺得我係呢間公司已經令我變佐好多, 變得越黎越黑人憎. 我覺得自己越黎越憤世嫉俗咁, 對某些PK八婆已經完全唔順眼兼極度討厭, 聽到佢地把聲就覺得好煩厭, 一聽到佢地既低能對話, 心?面就不斷咒罵佢地低能白痴扮晒野又係度晒命巴X閉. 簡直去到個地步就係行過撞見佢地, 當然唔會打招呼, 我有時會忍唔住0貌佢地. 我都唔知點解自己會變成咁, 唉... 我嚴重到有時係街度, 只要前面pair人散步咁行阻住條路, 我就會好?憎, 有時超前佢地既同時會發出"妖", 或者自言自語地話:"阻鬼住晒". 又或者有時行街/迫車有人碰到我或者"high"到我, 我就會好火滾怒睥住佢, 又或者回頭向對方爆粗口. 我以前根本就唔會咁樣, 我覺得而家既我好似無晒修養, 無晒耐性, 無晒容忍度咁. 我唔知點解自己D心態會變到咁樣.
沒有留言:
發佈留言