嘩, 好感動呀, 突然間多佐comments~~
個雪櫃點解要$300? 因為叫師傅上黎睇睇就要收$300檢查費呀, 如果有零件要換就要再另計呀. 點知原來我地個冰箱根本無壞到, 只係temp control果度較佐去low, 但我地明明無搞過個雪櫃, 唔知點解個冰箱無啦啦唔凍, D雪糕變晒奶昔, 所以我先由high轉去low試一試. 總之就係比個雪櫃激死啦~~ 原來SASA令尊係識整雪櫃架? 咁下次有咩事都問佐你先.
至於關島結婚果度, 唉... 請埋屋企人去大0拿0拿十萬蚊, 本來我地諗住自己兩個去架咋麻, 點知搞搞下搞到十個人去, 本來話包機票酒店only, 但睇怕有好多零碎額外開支都要我地比埋. 過到去又好似無得二人世界, 開支又大佐, 未出發先沮喪...
尋晚又去佐睇比賽, 今次佢地輸佐, 佢地事後檢討傾佐好耐, 搞到九點幾先可以起行去食飯, 今次一行二十人去打邊爐, 任飲任食都係$70位, 又幾抵喎. 振宇搞緊七月二日遊船河, 我要更加keep下fit先得, 否則當天都唔夠膽著背心熱褲/三點式泳衣, 呵呵~~
2 則留言:
結婚係人生一大盛事,當然身邊最重要既人都要一齊出席見證你倆既婚禮啦!唔好諗得咁灰,俾心機keep住最佳狀態做劉太啦!!!
阿SA爸爸好勁架,記得兩年前買冷氣都俾左好多專業既意見我呀!!
冷氣機同洗衣機都冇問題喎!!^_^
發佈留言