今日約佐試妝, 試佐三個鐘, 總共試佐三個妝四個髮型, 我比較鍾意第二同第四個造型~~ 我都有自知之明, 我都唔要求要化得我好靚, 因為我知就算點化我都唔會叫做靚, 我只要求唔好太豬扒樣都已經OK啦. 辛苦晒ANATA同細妹呆等佐三個鐘陪我試妝.
試完妝我地落尖沙咀太子酒店食tea buffet, 然後去打佐陣機, 跟住去睇達文西密碼. 節目很豐富的一天.
但是今天的問題是副CON好唔掂, 我只是戴佐幾個鐘, 已經覺得很辛苦, 覺得對眼好"澀", 戴佐幾個鐘已經覺得對眼好累. 頂唔順去到太子酒店0拿0拿臨入toilet除佐副CON(好彩我都醒目帶埋副眼鏡出黎). 我個妹話照計眼鏡舖會比幾隻唔對牌子及唔同弧度既CON比你試, 而且會叫你戴住半個鐘出去行去試下有無問題. 但我去高登配, 竟然無比幾隻唔同牌子我試, 同埋我戴上一陣再驗下眼無耐佢就叫我除番落黎, 都無半個鐘, 又無比我揀牌子同價錢. 同埋我返去睇清楚我盒CON既牌子, 竟然唔係1-DAY ACUVUE, 係唔知乜鬼野牌子!?
沒有留言:
發佈留言