沖繩七天之旅 Day 2 -- 25 March 2013 (MON)

行程第2日, 本來PLAN好咗今朝出海觀鯨, 下午去首里城, 夜晚行國際通.

但尋日收到觀鯨公司既通知, 由於天氣關係, 今日既觀鯨活動全日取消. 所以唯有臨時改行程, 變為朝早去首里城, 下午去OUTLET, 夜晚喺酒店附近既NAHA MAIN PLACE食飯兼行街.

我地起身之後, 徒步5分鐘去到DFS, 打算去3樓既FOOD COURT食早午餐.

酒店LOBBY:

我地住既酒店:

一入DFS, 左手面全部都係租車/旅行社COUNTER:

不過因為時間尚早 (11點幾), DFS三樓內既FOOD COURT大部份舖頭都未開, 選擇不多.

食飽咗, 就搭單軌列車出發去首里城.

由首里站行去首里城, 大約要15~20分鐘. 如果唔想行, 可以搭首里城下町線8號巴士去到首里城前站落車(車費150円). 我地見天氣又唔算太熱, 行吓又可以睇吓野, 所以就選擇行路去.

沿途會經過沖繩縣立藝術大學, 同埋一D學校校跡.

黎到首里城, 由於大家對呢類建築無咩特別與趣, 所以我地主要參觀免費部份, 無比800円入收費部份參觀. 

我最鍾意儲印仔:

2千円紙幣圖案既守禮門竟然維修中, 嗚嗚:



參觀完首里城, 鏡頭一轉我地黎到機場, 因為要搭巴士去OUTLET.

機場內都有魚魚睇:

可惜去OUTLET既免費穿梭巴士已經停止服務, 而家去OUTLET要搭收費巴士, 每程好似250円? 唔係太記得...


喺等緊巴士果陣, 我地喺國內線大樓行咗陣, 我就去D旅行社COUNTER八吓有咩優惠券. 無意中見到有款PACKAGE勁抵, 連水族館在內可以任去五個景點, 只係3,000円咋~ 我黎日本之前, 只係知道租車公司OTS都有景點PACKAGE賣, 3個景點PACKAGE賣1,100円, 不過就唔包括水族館(原價1,800円, 優惠價$1,550円). 我呢D咁既算死草, 諗住再左計右計吓先, 所以無即時買到個3,000円PACKAGE, 諗住如果真係抵, 可以去完OUTLET後, 搭巴士出番黎機場先買. (但可惜去完OUTLET出番機場, 個COUNTER已經CLOSE咗... 唉...)
[想知我點樣對呢兩個PACKAGE格價, 遲D我會出一篇"慳錢篇", 會講吓租車, 景點入場費之類點樣可以平D, 稍後推出~]


去到OUTLET, 第一時間食個LATE LUNCH醫肚先.

食完飯, 大家就各自SHOPPING. 個OUTLET唔係話好大, 不過SHOPPING總係行極都唔夠時間的. 同埋OUTLET裏面部份店舖可以用到FREE WIFI的.

其實除咗個OUTLET之外, 對面仲有D商場啦, YAMADA電氣啦, BOOK SHOP啦, 可惜今日唔夠時間, 行唔到對面商場.

行完OUTLET, 我地返酒店放低D戰利品, 然後喺酒店附近既NAHA MAIN PLACE食飯兼行街.

今晚既晚餐, 大滿足:

酒店對面就係藥房兼100円店, 我地差唔多晚晚都落黎逛吓:

今日既戰利品, 左手面係我既; 右面係流沙包既: