椰汁雪耳海底椰 (附食譜)

食譜參考: 港式滋潤糖水 王偉誠著

材料:
1.雪耳30g
2.海底椰2塊
3.椰汁適量
4.冰糖50g
5.百合適量 (原食譜無, 我自己加)

我是左撇子?

呢篇BLOG, 唔知有幾多BLOG友有同感.

人地話左撇子既人特別聰明(哈哈), 我自己都係一個慣用左手既人. 不過, 左撇子總會喺某D情況下被迫改用右手.

我係左撇子, 不過我揸筆係用右手的.

其實根據墨魚媽話, 我幼稚園時都係用左手揸筆的, 但老師同墨魚媽講, 話用左手揸筆會好怪, 問墨魚媽要唔要"糾正"番我, 教我用右手揸筆, 最後墨魚媽同意, 於是... 我就變咗一個用右手揸筆既人.

至於揸筷子? 我細細個當然都係用左手揸筷子. 但同親長輩如爺爺嫲嫲食飯, 長輩會唔鍾意我用左手揸筷子, 次次食飯都哦, 於是墨魚媽又"訓練"我要用右手揸筷子.

後來我都學識用右手揸筷子, 但始終我都係慣用左手, 所以我細細個果陣, 平時喺屋企食飯會用左手揸筷子; 同長輩大圍食飯時, 我先轉用右手, 所以基本上我係左右手都可以揸到筷子.

至於其他方面, 大部份物品我都係用左手的, 例如: 

球拍
牙刷
鑊剷
電話
鎖匙開門

不過仍有少部份物品, 我係會用右手的 (  唔知點解呢?):

菜刀
剪刀

唔知你地又點呢?

腸仔"包" (附食譜)

食譜參考: 用鬆餅粉做的簡單小點心 阿部浩二著

成本: 約$15 (4個)

材料:
1.雞蛋1隻 $1.3
2.牛奶2大匙 (我只用咗1大匙)
3.班戟粉100g $6.3
4.無鹽牛油溶液25g $2
5.腸仔4條 $5.6
6.芝士條適量

沖繩七天之旅 Day 2 -- 25 March 2013 (MON)

行程第2日, 本來PLAN好咗今朝出海觀鯨, 下午去首里城, 夜晚行國際通.

但尋日收到觀鯨公司既通知, 由於天氣關係, 今日既觀鯨活動全日取消. 所以唯有臨時改行程, 變為朝早去首里城, 下午去OUTLET, 夜晚喺酒店附近既NAHA MAIN PLACE食飯兼行街.

我地起身之後, 徒步5分鐘去到DFS, 打算去3樓既FOOD COURT食早午餐.

酒店LOBBY:

汁煮豬軟骨 + 蒜蓉牛油焗雜菌 + 冬瓜炒牛肉 (附食譜)

 

汁煮豬軟骨

食譜參考: am730

成本: 約$40

材料:
1.豬軟骨600g $38
2.薑數片
3.乾蔥1粒 (我無買乾蔥)
4.洋蔥半個 $1.5 (原食譜無, 我自己加落去)
5.紹酒1湯匙
6.生抽1湯匙
7.老抽1湯匙
8.鎮江醋2湯匙
9.冰糖碎3湯匙
10.水5湯匙


 

去飲都有壽包食

8月尾, 表弟結婚, 去咗THE ONE 20樓既"迎"去飲. 講真, 呢個表弟, 至少有廿年無見過, 真係出到街撞到都唔會認得對方果種. 成個飲宴最特別既地方係最後有壽包上, 因為當天係新郎既生日, 唔知係咪咁既原因, 對新人要求酒店送壽包呢? 我都係第一次去飲有壽包食, 哈哈.

果度D野唔好食, 係得個view睇吓...
 

沙爹牛肉公仔麵/通心粉 (附食譜)

 

成本: 約$14

材料:
1.牛肉 $9
2.洋蔥1/4個 $0.8
3.沙爹醬2茶匙
4.蒜蓉1茶匙
5.生粉少許
6.砂糖 適量
7.通心粉/公仔麵

步驟:
1.牛肉先醃
2.洋蔥切條
3.熱鑊下油, 加入洋蔥炒香, 盛起備用
4.牛肉落鑊炒至七成熟, 盛起備用
5.熱鑊下油, 加入蒜蓉先炒香, 再放入沙爹醬及砂糖炒勻後, 加入洋蔥及牛肉兜勻
6.加入少許生粉水, 拌勻至汁杰, 放在已煮好的通粉/公仔麵上, 完成



檢討: 好味, 但個沙爹唔係茶餐廳果隻味, 網上食譜教用"品珍沙爹醬"

沖繩七天之旅 Day 1 -- 24 March 2013 (SUN)

2013年3月中去完星馬, 3月尾再去沖繩.

因為早前心情欠佳, 又要應付QP考試, 所以沖繩之旅既BLOG一拖再拖都無mood寫...

今次係繼2012年歐洲之旅後既家族旅行, 可惜今次五缺一, 墨魚妹夫剛剛轉咗新工, 唔係太方便請假.

去沖繩有2間航空公司, 我地穩陣起見都係搭番港龍. 另一條airline既機票係平D, 但成日聽人講會delay, 時間就係金錢嘛, 搏唔過囉...

 

重要消息~搬家告示~ (已更新: 紫色字為新加入內容; 9月5日再更新[紅色字])

YAHOO BLOG終於要摺!

早幾日得知消息, 晴天PIG PIG, 心情大受影響.

愁都唔係辦法, 即刻諗個BLOG應該搬去邊好.

其實有一刻諗過唔再寫. 不過BLOG係用黎記低我自己發生過所有開心同唔開心既事, 我自己就當係日記咁寫, 所以即使我個BLOG無人會睇, 我都會一直寫落去.

或者你都會關心, 出面仲有邊個BLOG好用, 可以比我搬過去?

有熱心BLOGGER HITOMI就測試過其他BLOG平台, 若有興趣可CLICK呢度去HITOMI既BLOG睇吓.

暫時我決定搬去台灣既天空部落(YAM BLOG), 我既新網址如下:


http://blog.yam.com/chloechingching


有興趣的話可以去我新BLOG看看啊~. (因為我打算由YAHOO BLOG正式搬咗過YAM BLOG之後我先繼續寫新BLOG, 所以大家可能見我好耐都唔UPDATE個YAM BLOG, 但唔表示我會荒廢個YAM BLOG啊~)

另外如果各位BLOG友想將來繼續保持聯絡, 勞煩你稍移玉步去我上面條YAM BLOG LINK留個言比我 話我知你既新BLOG地址吖~ YAM BLOG可以用訪客身份留言(無需註冊登入), 同埋都可以用私人回應架~ 因為我未必會再上黎YAHOO BLOG去探大家, 所以即使大家喺自己YAHOO BLOG寫低咗自己既新落腳地, 我都唔會再睇到.

由於死人YAHOO BLOG無啦啦無咗個"關注BLOG友", 所以我頭先專登去睇番自己D舊BLOG, 睇番大家比我既留言去搵番你地, 同埋我都喺大家既BLOG留咗"遺言", 但唔知點解無啦啦留言要驗證碼 (都唔知有無部份"遺言"因為驗證碼入唔啱搞到個留言無咗)... 唔知YAHOO BLOG幾時會連留言都CUT埋.

同埋我應該下星期就會備份YAHOO BLOG, 當你一開始備份, 你個BLOG就會進入唯讀模式, 唔可以再發表文章, 亦唔可以再比BLOG友留言架啦~ 所以大家備份之前要諗清楚呀!!! 換句話說, 當你一開始備份, 就等如將你個BLOG"送死", 唉, 諗落有D傷感添~ 希望將來喺大家既新BLOG度再見啦~~

其實除咗搬去其他BLOG平台之外, 我都有諗過索性買個DOMAIN NAME+租HOSTING, 整番一個完全屬於自己既小天地. 因為每次個BLOG話要摺, 就又要搵地方搬, 都幾煩.

但可惜我係一個科技白痴, 實際上要點整我唔係好知(我已經花咗2日時間上網搵資料, DOMAIN同租HOSTING大致上我都明, 但之後個BLOG應該點整點搞, 點樣喺我買咗既DOMAIN NAME SHOW到我個BLOG內容, 實際上應該點運作etc., 我就唔明勒...)

其實我本身喺BLOGSPOT都有ACCOUNT, 未有YAHOO BLOG之前, 我都喺BLOGSPOT寫BLOG, 後尾先喺BLOGSPOT搬過黎YAHOO BLOG.

本來都無諗住搬番去BLOGSPOT, 因為覺得唔係太好用. 不過安全起見, 好似暫時KEEP住兩頭住家好D, 所以都留低BLOGSPOT條LINK比大家啦, 將來應該會兩邊BLOG同步UPDATE:

http://chloechingching.blogspot.hk/