2010年3月22日(一) -- 惡夢之南房総之旅 part 4: Rosemary Garden

(個南房総之旅拖佐好耐都未寫完, 今日終於有時間寫埋佢.)

 

搭完いすみ鉄道, 我地就搭返JR去南三原, 因為下一個目的地係Rosemary Garden.

 

之前上網搵資料, 話呢個公園距離車站要行20分鐘, 我諗住唔行啦, 到時去到車站搭的士咪得囉.

 

點知原來係一個車站好細, 問車站職員拎時刻表, 佢都話無既一個荒蕪之地, 車站前可以講係咩野都無, 當然連的士都唔會有一架啦.

 

 

吓...? 咁點算呀? 我唔識路架喎... 好彩車站前印佐個call的士既電話號碼, 我於是係日本第一次call的士, 嘩, 快過fedex呀, 架的士唔駛三分鐘就到.

 

上到的士, 我發覺原來沿路都有指示牌指你去公園既方向, 應該唔怕會盪失路, 之不過條路實在太長啦, 原本都有諗過認住條路, 回程時行路返車站, 但都係咪搞, 以我既速度可能要行半個鐘先得...

 

去到公園啦, 呢度分佐幾個部份, Rosemary Garden同埋部份既Shakespeare Country Park係唔駛錢, 免費參觀的. 但係Shakespeare Country Park有幾個部份就要收入場料800円先可以參觀.

 

 

 

我當然無比錢入場啦, 淨係喺公園行吓咋, 雖然免費開放既範圍唔算好大, 但個公園真係幾靚, 連阿媽都話"係囉, 黎呢D地方先係架麻"(即係仲彈緊頭先條いすみ鉄道).

 

呢度有風車:

 

又有菜花, 真係早知唔嘥時間搭果條鉄道啦:

 

 

 

 

 

 

 

 

 

 

 

 

 

 

呢度隔離有個士多啤梨園, 本來想去問吓有無いちご狩り, 可惜阿媽話唔好啦, 驚返到東京太晏, 所以就無去lu.

 

係度逗留佐一小時左右就要走啦, 否則下班JR又要等一粒鐘.

 

離開既時候我又call的士, 但唔知點解, 明明由車站黎既時候無跳過錶, 只係650円; 但call的士由公園返車站果陣, 我上佐的士無耐見個錶已經去到730円, 之後個錶係咁跳係咁跳, 到達車站果陣收費係1,290円, 係黎果時既兩倍價錢. 我無係日本call過的士, 唔知到底call的士係點計價錢. 係唔係喺遠離車站既地方call的士, 司機會將由車站到你身處位置果程既車資都計埋落去既呢...? 否則點解回程既時候會變佐雙倍價錢既...?

 

返到南三原站, 最後我地搭車去到館山, 然後再搭特急列車返東京. 南房総之旅好遺憾地就咁結束.

 

本來如果第一日唔係強風既關係無電車搭, 其實我想去鋸山日本寺架; 另外今日本來係打算去小江戶佐原架, 唉... 黎房総淨係去得3個景點, 真係好失望呀...