離開東京江戶たてもの園之後, 搭番巴士去武藏小金井站, 再搭JR去分倍河原站, 再係分倍河原站搭京王巴士去府中鄉土之森博物館.
沿途有指示教你點行去巴士站, 唔怕迷路:
黎到鄉土之森博物館, 呢度分兩種入場料, 普通就200円, 如果想睇埋天象廳既電影, 入場料就600円. 不過我見一齊買都無著數既, 因為我見天象廳前有自動售票機, 價錢係400円, 所以未決定睇唔睇天象廳電影的話, 可以買住普通200円既入場券先.
呢個博物館有D似頭先既たてもの園, 呢度除佐個博物館之外, 仲有一大個花園, 花園內有D唔同既建築物.
我黎呢度既主要目的係想睇呢幢建築物:
咩黎? 係幾廿年前既日本小學校黎架, 裏面有當年既班房添架.
呢度總共有10幢建築物, 數量同可觀性比起たてもの園低D; 但呢度有一大個花園, 仲有個梅園添喎, 如果想睇花花樹樹草草的話, 呢度既可觀性就比たてもの園高啦.
我最鐘意公園既呢個位置呀, 有小橋流水仲有好多可愛既花花呀, 我係呢度逗留佐好耐:
有無人知呢隻係乜野花?:
呢度仲有個體驗館, 大家可以試玩吓竹馬之類:
今日由朝行到晚, 真係行到腳抽筋咁濟呀... 回程果陣對腳勁痛, 行到趷吓趷吓咁... (雖然我平時行路都已經係趷吓趷吓)
沒有留言:
發佈留言