2010年3月22日(一) -- 惡夢之南房総之旅 part 3: いすみ鉄道

今日7點半食早餐, 唔好食:

 

食完早餐我地去沙灘行多次.

 

 

 

 

9點半check-out, 今日去番本來應該係尋日去既行程, 第一個目的地去到大原站搭いすみ鉄道.

 

黎房総之前我係書局打書釘, 睇過D旅遊書介紹呢條鉄道, 話鉄道沿線菜花盛放, 我睇旅遊書D相又真係勁靚, 於是懷住好期待既心情黎搭呢條鉄道.

 

呢條鉄道仲用姆明谷做招徠, 車身以該漫畫既人物做裝飾:

 

 

 

 

呢隻鉄道係上車攞整理券, 然後下車時付車資, 因為佢沿途多數都只係一D細站, 無駐站職員的.

 

好啦, 終於開車啦~ 好期待呀.

 

點知, 吓... 係咁架咋, 得咁少架咋? 都唔係書上面果種畫面既... 嗚, 好失望...

 

 

 

係國吉站大家會見到史歷奇, 姆明等人物, 但因為去到呢個站我地都未見到好茂密既菜花, 唔想係呢個站落車(因為一粒鐘先有一班車架咋), 所以雖然我想落車影吓相, 但最後都係算把啦... 我地時間緊迫呀.

係行走中既列車影到姆明, 我覺得自己幾勁架啦, 差D就入唔到鏡:

 

 

呢條鉄道由大原出發, 去到總站上總中野需時50分鐘, 但我地唔搭畢全程啦, 我地只係搭到去城見ヶ丘呢個站, 因為落車之後等4分鐘就有車可以回程返大原站.

 

去到城見ヶ丘站爭取時間影幾張相先, 不過真係有D失望囉...

 

 

 

同埋呢條鉄道唔平架, 我地由大原站搭黎城見ヶ丘站, 只係7個站, 車程約30分鐘, 但車資係460円?! 如果搭遠D, 大家可以買一日乘車券 1,000円.

 

總括而言, 呢一條鉄道完全唔值得黎搭, 嘥晒我D時間同期待...