烏冬火鍋?

臨離開日本之前, 有同事同我去佐食烏冬.

呢個係用蕎麥麵整既壽司, 我好似係第一次食:

 

我唔知呢種食法係日本點叫, 所以我姑且叫佢做烏冬火鍋, 哈哈.

 

 

 

好鬼鍾意呢隻貝殼整成既spoon:

就快離開日本office

由於我係東京住既單位去到3月31日兩點就要交番出黎, 所以公司比我31號放假, 30號係東京office last day.

 

呢條行佐大半年既返工路, 行埋今日就係最後啦, 咩都影一餐先.

 

 

 

 

 

 

返到公司又影...

 

 

 

最後一日既tea, 有蛋糕(士多啤梨果件係同事既, 我果件係朱古力, 唔好以為我咁大食呀~), 賞櫻時會食既団子(同事話), 同和菓子:

 

 

我準備佐D小禮物比同事:

 

而我亦都收到幾份禮物.

 

包括有開吳服店既客送比我既木製鎖匙扣同埋一筆箋:

 

 

其實我每一次去呢個吳服店既舖頭出job, 老闆娘都會比我試穿和服/浴衣, 到最後我都叫做"學識"佐點樣著同埋點樣用腰帶結成蝴蝶結. 最後一次我當然有送番D禮物比老闆娘做謝禮, 估唔到老闆娘都有準備禮物送比我. 當老闆娘佢最後同我握手叫我好好保重果陣, 我D眼淚不受控咁即刻流出黎, 老闆娘見我喊佢又喊埋一份, 我真係失禮屎人啦... 唉...

 

其中一個auditor(就係成日叫我幫佢做英日翻譯果位)送佐呢份"大禮"比我:

 

嘩, 好大份喎, 拆開睇睇原來係個電子相架:

 

我好感謝佢送一份價錢唔輕既禮物比我, 但係佢體積都唔小, 佔佐個喼唔少空間添...

 

另外就係女同事送比我既禮物:

 

 

 

到放工離開office果陣, 我向同事道別, 有個同事話"辛苦晒", 然後佢竟然鼓掌, 果刻不知幾想喊... 不過我係星期一既朝礼已經一路發表一路喊, 果刻覺得好失禮, 所以臨離開公司既呢一刻 雖然都有想喊既感覺, 不過死忍住...

 

唉... 七個月既日本研修生活終於都要完啦, 嗚... 雖然我好想返香港, 但其實內心卻又好唔捨得咁快就離開日本, 唉...

2010年3月28日(日) – 在東京的最後一個星期日

今日一朝早去佐深川睇吓, 去深川可以搭都營大江戶線, 係門前御町落車, 果度既景點有深川不動堂同埋八幡宮.

 

 

 

深川呢度每個月既15號同28號係深川緣日, 買野好似會比平時平D, 同埋會有D地攤擺出黎.

呢度既地攤… 有D似廟街咁掛, 有D人好似拎晒屋企D舊野出黎擺, 又或者好似拎晒D舖頭倉底貨出黎賣咁:

而家係櫻花季節, 所以深川呢度可以一路坐船仔一路欣賞沿途既櫻花.

 

好可愛呀, 帶兔仔散步:

然後搭番都營大江戶線, 黎到兩國站既國技館:

之後黎到汐留既浜離宮恩賜庭園, 入場費300円.

 

 

&nb
sp;

 

 

 

 

 

不過我個人認為呢個庭園就無咩野好睇…

最後黎到目黑川, 不過未到櫻花盛開時期, 所以景色一般啦…

 

2010年3月27日(六) – 在東京的最後一個星期六

呢個係我喺東京既最後一個weekend, 其實我仲有好多地方想去, 但係無辦法去得晒啦. 我見黎佐東京咁多次, 我都未去過明治神宮, 於是今日第一個目的地就去明治神宮睇吓勒.

明治神宮都係咁啦, 無咩特別, 我係日本睇得太多呢D神社呀, 寺呀, 已經睇到好麻木.

 

沿途見到既:

離開明治神宮, 跟住去Forever 21睇吓先, 睇佐日本半年都未去過Forever 21.

哈哈, 成日話唔再買衫, 點知行完Forever 21忍唔到手買佐兩件, 分別係1,580円及1,680円:

 

然後再去新宿御苑, 呢個時候梗係去睇櫻花啦:

 

 

 

 

 

 

 

 

 

 

 

新宿御苑都幾大, 同埋裏面真係幾靚, 大家有機會可以黎睇吓.

到最後去埋飛鳥山睇睇先, 不過可惜我黎到飛鳥山已經天黑啦, 都睇唔清楚呢度D櫻花開得有幾靚…

 

飛鳥山雖然叫做山, 但其實一D都唔高, 行樓梯上去都唔駛三分鐘就上到去. 如果大家唔想行樓梯, 果度仲有呢D吊車可以搭上車, 車程約兩分鐘.