流沙包黎日本, 循例又有一大班人託佢買野.
Fancl House果D例牌買佐一大堆, 係咪好平我唔知, 我從來無用過Fancl House, 淨係知霸佐個喼好多位…
最最激氣係佢幫人買既野, 真係令我啤一聲.
其一係幫兩個人買兩部即影即有相機, 買佐之後, 第二日又要專登去買埋菲林, 問流沙包每盒菲林平幾多錢啦, 咩話? 每盒平廿蚊?? 頂, 大佬呀, 我搭車黎買既車錢唔係錢呀? 知唔知係日本搭一個地鐵站都要十幾蚊港紙呀? 來回既車錢都已經貴過你果廿蚊差價啦!!! 我又要搭車又要行黎幫你買, 我D時間唔係錢呀? 哦, 你地平果廿蚊就係錢, 我既車錢同時間就唔係錢呀? 我發火同流沙包講”平得果廿蚊就咪鬼買啦! 我比番廿蚊差價你D friends, 叫你D friends自己係香港買好過啦!!, 你今次黎日本唔係幫我帶住部份野返香港先既咩? 你幫人買咁多野, 個喼仲邊夠位幫我帶番D野返香港呀?”
其二係幫人買雙眼皮膠水, 吓? 香港無得賣咩? 點解要係日本買呀? 咩話? 日本買平D? 喂, 一支雙眼皮膠水值幾多錢呀? 比盡你最多又係平廿蚊好未呀? 頂! 最頂癮竟然係相都無張, 淨係得個名, 喂, 相都無張點幫你買呀? 唔通真係要我逐間藥房幫你搵呀?
結果真係逐間藥房搵, 搵到我發晒火, 我XYZ#$@, 都係果句, 日本買係平D, 係囉, 你既錢先係錢囉, 平十蚊八蚊都好過無; 我幫你去買所花既車錢, 幫你去搵去買所花既時間就唔係錢囉, 你知唔知我一個鐘頭既人工係幾多錢呀? 你仲要相都無張, 我間間藥房都入去搵, 你知唔知幾嘥我時間呀? 搵佐成6, 7間藥房先搵到佢要既果款膠水, 我真係爆晒粗囉…
Agnes b袋又係一定要幫人買架啦, 我自己係日本都無興趣再買AGNES b袋啦. 流沙包佢搞笑呀, 因為之前陪佢去買野買到我發晒火, 佢今次自己一個人去買完先等我放工, 我一眼見佢又幫人買野已經唔滿意(霸晒喼D位, 我D野無位放啦, 要郵寄返香港啦!?), 佢見我面色唔對路, 即刻好緊張話”今次呢個袋平佐幾百蚊架”
流沙包成日話因為要幫我拎野返香港, 佢自己都唔敢係日本買野乜濟, 驚拎唔到咁多野返香港, 咁佢又幫人買咁多野霸晒個喼D位? 自己唔敢買野都要幫人買野, 仲要只係平果雞碎咁多既無聊野, 我見佢咁樣真係忟呀!!! 成日做好人難為佐自己.
到最後我有D野都係要郵寄返香港, 用船便都駛佐我幾千円呀, 我呢D錢又唔係錢呀?
我都唔明點解D人會咁老土架, 香港又唔係無得買, 又唔係D咩特別野, 咁Q普通既野都要係日本幫你買? 你無野呀?
34 則留言:
吾好意思！要借U個多人看的Blog来講出我地E D在東京在住HK人的感想！ 我絶対明白U的心情！U老公的所謂同事朋友係有着数先至同U老友！ 可能我得罪晒所有対日本的精美製品有着狂恋的HK人！ 不過我係講出我既感想！ 我地既正職吾係水貨買手、吾係雑誌専欄作家、吾係化粧品達人！我地都係普通地響日本生活、吾係要帯領OR緊追OR創造HK潮流的人！吾好以為我地係セ叉都知道響邊度可以買到HK雑誌所刊登的潮流産品！ 平幾十蚊又要我地買、又吾見話平幾千蚊港紙既野要我地買？？！！ 我地係住響東京、不過吾係日日去買HK的所謂潮流精美製品！我地吾係日日食和牛、北海道水産！我地係食ｄ平価餐、或自己煮！ 最最最離譜的係、我居然有個所謂fan話、日本同韓国好近、要我響東京買韓国貨、都吾知ｄ人個脳係米生響C忽？！ 我個fan list又少左個麻煩友！ 墨魚焼賣、我支持U！！！！！
[版主回覆03/08/2010 12:01:00]係呀, 間唔中會有人問我日本邊間餐廳好食, 邊間酒店好... 我係日本通常都係餐餐便當架咋, 邊似得佢地黎旅行, 餐餐和牛/壽司/鐵板燒呀~~
有時又間唔中有fds send D相過黎, 問我知唔知係邊度買, 我呢D非潮人真係好少去行街shopping架咋, 我去街通常都係睇景架咋.
其實香港咁多水貨舖同online shop, 係香港都買得到啦, 為佐平果一百幾十蚊而專登託人係日本買, 都唔知為乜...
好多香港人都有呢個壞習慣... 人地去旅行, 好心就放過人啦! 新婚渡蜜月都被要求幫人'帶貨'.. 真係... (注明唔係地方手信喎)
[版主回覆03/08/2010 12:02:00]咪係囉, d人都唔識得將心比己, 去旅行係想relax架麻, 但最後搞到成日要記住幫阿A買咩, 幫阿B買咩咁... 煩...
就係太多人叫幫手買嘢, 所以攪到依家去旅行都唔想同咁多人講, 廢事煩, 買又唔係, 唔買又唔係~~
[版主回覆03/08/2010 17:16:00]係呀, 搞到去旅行好似做賊咁, 唔見得光架.
講真, 好FRIEND的我唔介意, 但有D平時都唔熟, 見你去旅行就買好多野的, 我唔會刻意去幫佢搵, 又或者收返佢貴少少. 所以之前係公司做野的時候, 去旅行都唔會俾好多人知, 特別係去日本的時候. 以家我都執緊野, 所以明你感受, 幸好有FRIEND過黎, 之前幫人買的野可以俾佢地攞返去. 雖然阿媽會過黎, 不過我諗佢都會買唔少野, 又係好似你老公一樣, 幫人買好多野個隻, 所以完全無旨意佢. 我男朋友過黎都應該攞唔到好多, 所以我諗我最少都要寄一箱返去.
[版主回覆03/08/2010 17:16:00]咪係囉, 流沙包上次幫人買既野, 好多都係搭上搭架咋, 都唔明架, 人地去旅行, 又會關佢個fd既fd事既...
我覺得好fds果D反而會明白你既難處, 先唔會亂咁託買野呢~
我寄船便都寄左成萬yen... 雖然唔係好多人叫我幫手買野返去... 但d人真係少少洗人唔洗本... 我估我d fd都算好, 好多都係訂左寄到來我宿舍到 我唔熟行既野我一律都唔幫手買架啦...又要搵又買錯的話都唔知點算.. 如果一件平得廿蚊都要我幫手買的話我真係直接開火鬧鬼佢啦.. 再唔係講到明我帶唔晒就要佢地自己比返郵費... 唔可以屈服比d fd!!!!!執野返香港真係好痛苦!!!
[版主回覆03/08/2010 17:16:00]成萬YEN, 好肉痛...
你話香港真係無得賣果D我都話幫吓手呀, 有好多明明香港都可以買得到既野(係貴少少啫), 都唔明點解係都要叫人係日本買...
就算唔駛做帶貨可以郵費返香港, PACK箱同拎去寄我都要花時間架...
記得有次去日本旅行, 有個同事話諗下要我幫佢買乜? 我只答道'你咪諗下囉!' 我自己從未幫過非親人嘅同事或朋友買野, 冇錢賺, 又要揾餐死, 攞黎衰~~
[版主回覆03/08/2010 17:17:00]咪係囉, 好似奉旨咁, 都唔明D人點解可以咁奇怪架...
我試過有同事叫我幫佢買 Burberry，我問佢邊款 ? 佢居然話：「妳決定啦 ! 我信妳既眼光既 ! 」…… 簡直想死 ! 叫人買野連資料都懶搵，想點 !?
[版主回覆03/08/2010 17:17:00]呢D我一定唔會幫佢買囉...
所以我去日本唔會幫人買野..........
[版主回覆03/08/2010 17:28:00]我餐餐黎日本(無論係以前黎旅行定係而家黎工作), 都要幫人買FANCL HOUSE架喎, 我自己反而一次都無買黎用, 真係吹脹...
我有個同事又係好似遇上你咁既情況丫。真係聽到都覺得討厭…
又唔係真係平好多，人地去係旅行，唔係買貨，除左你講既車錢之外，仲有時間呢？
人地去旅行，分分秒秒都係錢黎啦，淨係服侍你地班友仔好唔好…
好在我d 朋友唔會咁，同埋我唔最後一分鐘都唔會話比人知去旅行
[版主回覆03/08/2010 17:28:00]咪係囉, 除佐車錢同時間之外, 買完之後一袋二袋鬼咁重又要拎住繼續上路, 又驚會漏佐整唔見喎, 真係煩...
頂! 我都試過呀! d 人成日以為人地0係外國住, 會好似佢地咁, 日日去銅鑼灣旺角行街! 我試過有人俾個50 miles 遠既地址,
嗌我"得閒經過"去幫佢買野喎! 下?? 50 miles 仲遠過0係香港上深圳喎, 點得閒經過呀? 又有人試過嗌我番香港,
幫佢買一套七本既中文小說番美國! 我嗌佢上台灣website 訂囉, 成套喎, 點抬俾佢呀? 平喎! 我人工好貴架! 頂~~ 我都試過CK
鼠咁, D 人嗌我去Burberry 買袋, 連個款都唔搵俾我, 點買呀? 好鬼無聊架, 俾d 歐洲款嗌人去日本買! 成日以為日本d
野會平d, 咩碌面器又嗌我買, 旺角賣緊10 蚊個, 剩係sales tax 都唔得啦! 要平就上大陸買啦頂~ 我至憎人嗌我去fancl
買一樽樽野架, 我自己都唔用, 你要我買俾你? 咁叻咪去識個store manager 用人地員工價買囉, 七折呀! 仲平過0係日本買呀笨~
買唔起就唔好買, 爭個廿蚊駛死人! 邊有人咁無聊架!
除非係藥啦! 我逐間逐間日本藥房撲, 撲到去jusco 都會搵俾人! 試過有人搵我買d 美國既寵物藥番香港, 佢都唔知係玻璃樽裝, 我會好好心機pack 晒bubble wrap 俾佢添~
[版主回覆03/08/2010 17:28:00]你寫得好鬼好笑呀~~
係呀係呀, 我都唔用FANCL HOUSE但餐餐黎日本都要幫人買架喎, 好鬼忟架~
雙眼皮膠水 http://search.taobao.com/search?commend=all&q=%EB%70%D1%DB%C6%A4%C4%7A%CB%AE&source=search1 即影即有 菲林 http://search.taobao.com/search?shopf=newsearch&q=%BC%B4%D3%B0%BC%B4%D3%D0+%CF%E0%D6%BD
[版主回覆03/08/2010 17:28:00]真係激死人呀~~~
其實你可以將朋友的東西郵寄返香港, 再加收佢地郵費, 咁咪有位拎野返香港囉! 我諗下次都唔會再搵你地幫手買野啦! 我都係咁
[版主回覆03/08/2010 17:31:00]就算唔駛做帶貨可以郵費返香港, PACK箱同拎去寄我都要花時間架麻...
所以我從來都不幫同事買東西，免麻煩！
[版主回覆03/08/2010 17:31:00]哈哈, 我都好想呀~~~ 但流沙包成日做好人...
哎呀...好彩遲左入黎睇啫...唔係joey媽又會叫幫手買埋一份
唔好嬲唔好嬲...叫老公仔請你食番餐勁既補數吓
[版主回覆03/08/2010 17:31:00]得, 收番你雙倍價錢啫~
如果D 人叫我買,我實會話順路先幫你買,~~如果唔順路我真係彩佢都傻~
[版主回覆03/08/2010 17:31:00]有好多受託既物品, 我自己本身都唔用既, 真係好難會順路囉...
算啦! 你老公唔識推人啦!! 男人係咁架啦!!
[版主回覆03/08/2010 17:32:00]我咪就係比佢激屎囉...
D 人真係唔通氣，平 DD 就唔好麻煩人啦，妳四月份番香港重有大把嘢攞呀，隨身行李先得20KG，除咗衣服外都吾知挪得乜嘢
叫流沙包去邊都好，低調 D 乜人都唔講，乜都唔好幫人買，咁就唔洗唔好意思推人啦................ 做好人有時真係好辛苦架
[版主回覆03/09/2010 11:27:00]咪係囉咪係囉, D人好似以為我吉喼番香港咁架喎, 我自己既野都煩緊點樣運番香港啦, 講真仲邊有吉位可以幫人拎野喎...
有D人仲叫我買埋D好騎呢既野添喎, 真係暈低...
d人咁都有ga....做女人真係興lo...最興既....係個男既幫唔到手仲要累到自己老婆搵餐死.....最最最最興既係...全是幫女人買....對唔住激動左....太投入你既角色....係我都嬲爆佢.. 如果我男人係咁我呢個性格實由上機罵到佢落機....!!!
[版主回覆03/09/2010 11:26:00]哈哈, 多謝你呀. 佢呀幫人買佐一大袋FANCL HOUSE呀, 比佢激死... 香港又唔係無, 平得幾多呀? 我比番個差價你啦好未?
看你的BLOG一段日子，看見你HUBBY一副走難的日子，真可憐!當然他未有向人地SAY NO帶來惡果。我呢幾年去旅行時有時都買了很多東西，不過，正如你講，好FRIEND的不會託你買東西，或唔會叫你買D少省得少少的東西。我試過之前去歐洲，也不會對太多人說，費時要我買LV。一來我自己多行李，二來自己都要買，三來怕對換率差額。又怕買錯了或刷完咭代買個RATE升太多，個D叫人買東西的人唔鐘意要仲要我自己啃。有一年試過來東京要代買，就像你說，我自己都唔買的牌子要幫你買，又要周圍搵，唔搵又唔想返去講大話，結果無唒D時間，你知D鋪頭唔係香港咁夜收，搵得來自己都無時間去其他地方。
[版主回覆03/09/2010 11:26:00]哈哈, 佢次次返親香港都係咁既款架, 真係唔知可以講咩...
唔鍾意就要你自己啃埋? 呢D人以後都無朋友做呀~~ 咁老土都有既?
係呀，最鬼憎個d人一知妳去邊度旅行，就老馮咁叫你買呢樣買0個樣，真的十分討厭，不過，我一定唔會答應的，祇會說，若果見到或者方便才幫手買囉；而家d人，真的駛人不駛本。~~
[版主回覆03/09/2010 11:26:00]絕對同意呀, 我去旅行唔代表要幫你地買野架喎, 但D人好似老馮咁, 真係奇怪...
正因為車子撞上了尾板貨車而處於心情低落的我，也說兩句吧…
一、買價、關稅、運費，不是錢來的嗎？香港有的幹麼要在日本買？又唔見去日本買番原廠有中門窗、GPS等強加設備的豐田HIACE？
二、有樣嘢，唔去日本都未必買到…我的最愛「GUN-PLA」…的專用色…懶得混色…
[版主回覆03/09/2010 11:43:00]OH, 你沒大礙呀麻?
係囉, 你話香港真係無得買既野就話要係日本買啫; 香港大把有得賣既野, 只係為佐平一百幾十, 就要人山長水遠咁買番香港, 真係忟死人...
有時啲朋友同事真係好唔識趣, 仲認為你去旅行係有義務幫佢地買嘢, 買唔到就係你冇用, 你唔買就係你衰! 我之前同爸爸媽咪去旅行, 有個同事即刻搭我買某牌子的鴨舌! 仲要幫埋佢阿媽買, 六大盒呀! 佢仲懶好人拿拿臨問晒啲廠o既人要乜要物叫我買埋! 唔係話你俾咗錢我買就使死人架嘛! 當初我啱啱到新公司上工, 佢又係老臣子唔得罪得, 結果我地响台北台南周圍幫佢地搵, 又因為鴨舌要急凍搞到爸爸媽咪迫住即刻拎返酒店, 夜市都去唔到! 我因為約咗團友去誠品所以走先但都係得番嗰半個鐘行街! 淨買佢地啲嘢都霸咗半個喼, 買俾親友的手信都差啲攞唔落! 我地自己反而買得一隻陶笛龜跟身返.
最討厭係, 拎到返公司, 唔該都冇聲, 好似奉旨幫佢地買咁. 跟住俾我發現原來香港有分店, 佢話佢知, 但係台灣o既好食啲喎! 我覺得唔好食囉, 而且啲服務員又污糟, 跌咗落枱/俾嘢"嬲"過都就咁夾番入袋!
到佢去旅行, 就事先張揚話: 唔好搭我買嘢, 驚個喼唔夠位攞我啲嘢!" 高招!
[版主回覆03/09/2010 11:43:00]你個同事真係有病架, 最鬼憎呢D人, 自私到死. 仲要問晒成廠人, 佢無野呀? 我而家去旅行呀, 幫你地班友仔走水貨呀? 係咪比番commission我先? 都short short地...
Wow! your hubby is so kindness and generous. I won't make a special trip to buy things for friends, I will only help my friends to buy things in my persoal tour spot, I won't say "NO" to them but I will say I try. You know I only spend 1-2 week in japan, it waste my time to tour other places. So, I help them to buy things is only on my way to the tour spot or shopping mall. Tell your hubby say "TRY" not "YES" next time la! Some people are very selfisf and don't care anybody.
[版主回覆03/09/2010 11:43:00]我自問就無咁好人啦, 所以咪成日鬧鬼佢囉... 旅行既時間每一分鐘都係錢黎架麻, D人都唔識咁諗架喎, 為佐平少少就要浪費人地D寶貴時間...
d人真係好過份呀!!!
[版主回覆03/09/2010 11:52:00]係囉, 真係嘔血呀...
不過而家真係好少托人買野...香港真係乜都有....我都好少叫人買野.一來麻煩人.二來自己都唔sure邊度有得買...
我記得搵人買過一次係真係果個地方先有的一幅另類的紙牌game才叫人買咋....其他真係好少搵人買野......
[版主回覆03/11/2010 18:19:00]係呀, 你話香港真係無得賣就無可厚非啫, 但平果少少又要欠人人情, 有時都唔知為乜...
講下講下, 原來大家都有呢d不快經歷! 真係可以整番個 最過份手信排行榜 呀!
[版主回覆03/11/2010 18:19:00]哈哈, 有好多我唔敢講出黎喎...
係呢，妳 D 行理打算點樣運番香港呀，寄 Cargo 定係寄船要開始安排架啦，如果寄 Cargo可以喺你搭嗰間航空公，作不隨身行咁寄，價錢會平DD喎................ .
[版主回覆03/11/2010 18:19:00]哦? 原來可以咁樣架?
我之前寄佐一箱船便返香港, 我估應該都唔駛再寄啦掛(除非我又瘋狂買野 ), 因為流沙包每次過黎都幫我拎佐唔少野返去.
有時太好人就會俾人利用，妳講得無錯，佢地自己嘅係$，我們的車費就唔係$...我以前係英國讀書都俾人點去買Body shop, Boots , Harrods袋等等一大堆東西，攪到次次返香港都帶一支支洗頭水，淋浴露．．．重都想死呀！幫了2次，我之後都唔會再咁傻！
[版主回覆03/11/2010 18:20:00]嘩, 呢D野真係好重架喎, 你幫了兩次真係好好架啦~~
激呀 ! 你老公超好人. 不過, 我都好似你咁一定會媽叉我老公. 去旅行是自己的事, 唔好行到邊又要攞份shopping list 周圍摷, 又要專登同人買 , 攪Q亂晒d行程同心情....... 去歐洲都係, d茂利成鬼日叫人買袋, 自己去買啦. 我又唔好呢d野. 又要退稅..........所以我成日講去旅行唔會幫人買d狗屎野(除非好好好順便又輕ken), 千祈咪期待手信同紀念品. 你發脾四係有理 ! 我撐你
[版主回覆03/11/2010 18:20:00]你完全講出晒我既心聲呀~~~ 講真呀, 我覺得買手信呢樣野真係幾唔實際. 好多手信其實送完比人我估都係放埋一邊, 攝埋落櫃筒底就算, 嘥錢又唔環保...
十萬個同感!!! 唔知點解去日本前會突然之間多左d 所謂既朋友既... 我都試過幫人買 fancl house, 仲要去左兩三間先揾到佢要o個樣野. 好人通常唔好意思推人話唔幫人買野嫁啦, 而老奉既人就多數係厚面皮, 所以好人會繼續受難...
[版主回覆03/11/2010 18:20:00]仲會出現好多朋友既朋友(我地唔識架喎)添喎, 真係唔明...
我記得幾年前有一次, 流沙包佢有個唔熟既fd知佢又黎日本, 竟然叫佢買fancl house果d一支支既燒脂飲品, 仲要成pack(唔記得幾多支裝)買喎, 真係啋佢都傻...
補充番, 位"熱心"同事係逐間廠打去同佢地講話我去台灣, 問佢地要咩手信... 唔係自己公司其他同事... 又唔係佢去旅行, 做咩中間人?
[版主回覆03/16/2010 17:49:00]你果位同事真係short上腦喎, 你去旅行關佢乜事呀? 所以有時去旅行真係唔可以同人講架...
我都唔鍾意去旅行幫人買野, 一來有D壓力, 要去揾, 買完又要扐, 我自己本身都唔鍾意扐一袋二袋既人黎既. 其次係買左之后平既少少錢又唔好意思收返你錢, 當手信送比你, 但當幾個FD都係咁個時就唔平. 我自己係唔會响人地去旅行時叫人幫手買野, 情願買貴D都費事叫人買, 費事比壓力比人.
[版主回覆03/16/2010 17:49:00]無錯無錯, 我自己都唔會託人地旅行時幫我買野啦, 但總係有D人, 聽見你去旅行就會話"等我諗吓果度有咩好野託你買先", 吹脹...
收錢果度又係一個問題啦, 正如你所講, 少少錢果D又唔好意思收番, 但果D friends又唔屬於我去旅行時會買野比佢既好朋友喎, 無啦啦破財...
無意中睇到你呢篇0野...超有同感呀!!!! 我都好憎好憎去旅去幫人買0野, 好有壓力, 成日要左搵右搵, 最慘係阻住我個0急 D 位嘛!!! 有次同事個老婆叫我幫佢買髮尾油, 頂...仲要買兩支, 攪到我0個日要拎住兩支油周街行...真係人都癲!!!!!!!
[版主回覆04/15/2010 20:04:00]哈哈, 估唔到有咁多"受害者", 希望我呢篇blog出佐之後, 唔好再有人叫我幫手旅行時託買野啦~~
無心睇到你個blog...--- 同意你嬲係啱架...
[版主回覆07/24/2010 14:27:00]哈哈, 多謝你呀~ 無諗過原來咁多人會認同. 我諗住會有唔少人會覺得我自私小氣架.
發佈留言