無錯, 我又喊了.
不過喊唔係因為唔開心, 而係因為好感動.
之前我都講過日本既電視節目係比香港既垃圾節目好睇好多. 其中有D節目係講感人既真人真事, 有日本發生既, 亦有外國發生既. 呢D故事唔係就咁用口講就算, 而係有晒"案件重演", 所以代入感就更加強啦.
我記得自己曾經睇到喊既真人真事包括有"義犬捨身救主", "身患絕症少女堅強對抗病魔", "餘命3個月媽媽拍給兩歳兒子長大後看的video", 仲有好多好多...
睇呢類節目其實可以引起人好多反思, 返到香港後無得再睇, 真係會有D失落...
都係果句, 有無人知道點樣可以係香港睇到日本既即時電視節目架...? (除佐keyhole之外) 我真係唔介意每月比幾舊水月費去收看架~~
5 則留言:
要看日本即時TV節目？吾係無可能既、不過至少有幾大条件！ 係人都知的普通野、不過無セ普通人会做得到！会一身蟻的！ 毎月比幾旧水就有得看？想下就得！
[版主回覆03/31/2010 22:51:00]其實之前香港OFFICE有日本同事介紹過一間公司比我, 但後尾又話唔接新客住(唔知係咪因為我唔係日本人, 所以用呢個理由REJECT我). 每個月大約比4, 5百蚊月費左右.
如果妳日本朋友願意的話可以買個類似機頂盒既裝置裝係佢部電視度，可以即時衛星傳送到妳香港果邊既電視(另一部裝置)，好似都係幾舊水，有個娶左日本老婆現居香港的blog友寫過，妳可以去問下。
[版主回覆03/31/2010 22:51:00]樓上有BLOG友介紹佐原來香港有呢類型公司, 等我返香港後第一時間就去睇睇先, 多謝你呀~~
香地都有好多公司有呢類型服務，先俾二三千買個Set-Top Box，跟住俾二百幾月費，原理就似仲間所講一樣，基本上每期HK的Concierge月刊都有買廣告的，相當方便，仲可以揀關東或關西的節目。
[版主回覆03/31/2010 22:51:00]呢本雜誌以前我間中會係公司揭黎睇, 但一直都無留意呢類廣告添. 返到香港後我會即刻去睇睇, 真係多謝你既資料呀~~
墨魚燒賣 奸爸爹呢 Set-Top Box 貴D 都有計吖
[版主回覆03/31/2010 22:51:00]錢解決到既問題就唔係問題啦, 價錢唔係問題, 最緊要有得睇呀. 真係多謝你地講呢個方法比我知呀~~
Keyhole 唔得咩？
[版主回覆03/31/2010 22:51:00]唔得呀, 開出黎既畫面太細, 一拉大就爆晒格, 同埋D聲好拆呀~~
發佈留言