日本研修終於要完結啦... 下篇

上一篇我好似係度呻, 好消極咁; 呢篇就要寫番D感恩既野啦.

 

雖然一個人生活並唔易, 但呢7個月既經歷我明白係好難得的, 我好多謝公司多謝大老闆肯比機會我過日本做野, 只係自己唔爭氣, homesick之餘, 日文又無咩進步, 好似辜負佐大家咁, 係呢度唯有同大家講聲唔好意思, 返到香港之後我會繼續努力!!

 

係臨離開日本前既個零星期, 心情又無咩特別唔捨得, 可能我心裏面更加掛住香港既生活啦. 我擔心既只係唔知走之前可唔可以食得晒雪櫃D野, 哈哈(唔想浪費麻, 冷藏食品又唔可以拎走喎). 我心態唔係"係日本既生活得番Y日", 而係"仲有Y日我就可以返香港啦~" 不過每到weekend我都要小心計劃要去既地方, 因為想去既地方仲有好多好多, 每逢weekend既時候都唔捨得D時間過得咁快.

 

不過到佐真係要離開前既幾日, 突然間覺得好唔捨得, 每日返放工行既路, 住緊既豆腐膶部屋, 銀座通既景色... 之前好想快D離開日本, 但到佐呢一刻尾聲又唔想咁快完, 真係好矛盾... 呢幾日仲間中忍唔住喊, 真係好鬼失禮... (詳情容後再講) 

 

係日本既生活雖然係孤獨, 但其實都係多姿多采的, 有好多野唔係當地住過, 淨係靠上網/電視/新聞/旅行真係未必會得知, 我真係好感激我有機會可以係日本生活佐大半年, 令我體驗佐好多野, 睇多佐好多野. 呢大半年黎我將自己既在日生活係blog度同大家分享, 其實我一直寫落佐好多篇未發表既blog, 我估我4月返到香港後, 我既在日生活寫到去6, 7月應該都仲未寫得完...

 

係呢度要多謝大家一直以黎既支持同捧場, 令我呢個blog有段時間曾經成為Yahoo精選blog, 每日既瀏覽人數曾經有過千人. 我相信我離開日本, 返到香港回歸平淡後, 黎我blog瀏覽既人數應該會直線下降架啦, 我都知道我既香港生活係無咩值得睇既地方, 所以我要趁人氣下滑之前, 係度同大家講聲多謝, 多謝你地一路以黎既留言, 令我有動力繼續keep住寫我既在日生活.

 

我係東京既宿舍到今日就會完, 我要2點鐘之前遷出呢個單位, 本來我應該今日就飛返香港. 但我見四月頭香港竟然有五連休, 我當然唔放過呢個大好機會, 我一陣間執好包袱後, 就會出發往羽田空港, 但目的地唔係香港, 而係九州既福岡空港. 我會同流沙包係九州玩幾日, 到4月7日(係我地既擺酒紀念日黎添喎)先飛返香港呀.

 

係九州我地會去熊本城, 阿蘇山, 黑川溫泉, 高千穗, 別府地獄, 由布院etc., 而且今次仲會一嚐自駕遊添, 所以雖然4月後我人已經返佐香港, 但blog既內容仍然離唔開日本既生活同所見所聞, 有興趣既朋友歡迎繼續黎探我架(好似賣廣告咁...)

 

好啦, 我要出發啦~ see you, bye~! 

日本研修終於要完結啦... 上篇

聽日係3月31日, 係我喺日本office既last day, 7個月既研修期終於都完啦. 雖然我係日本生活佐7個月, 但自問我D日文真係無咩大進步, 聽同講方面依然係超唔掂, 唉...

 

呢7月個裏面當然有開心同唔開心啦. 初初黎到日本頭3個月, 每日真係過得好開心架, 返工又無壓力(因為唔駛對客, 無野要上身, 無野要follow, 淨係每日對住部電腦入數), 放假就可以周圍去玩, 不知幾happy, 當時簡直係唔想返香港咁濟.

 

但係三個月後, 開始homesick啦, 加上自己D日文仍然係好唔掂, 有時去買野都唔知店員同我講乜, 所以開始情緒低落. 而且公司越來越多麻煩野要我去做(尤其是同英文有關果D呀, 翻譯呀, 真係討厭...), 所以情緒越黎越差, 曾經有一段時間, 我好似有精神病咁, 每日起身都唔想返工, 完全提唔起勁做任何野, 一靜靜坐底D眼淚就會自己流出黎, 一到lunchtime就即刻匿埋一二角大喊一場, 每日放工返到屋企又淨係識喊喊喊... 果陣不知幾想即刻放棄晒所有野, 即刻拖喼返香港. 

  

大家成日見我一放假就呢度去果度去, 好似好開心咁, 個個都話羨慕我呢種生活... 其實我唔開心又有咩人會知? 只係我唔將唔開心既野寫落blog啫... 你知唔知無論去到D幾好玩幾咁靚既地方也好, 都只係得一個人獨來獨往, 無人同我分享, 無人同我一齊經歷, 你知唔知內心其實係好寂寞架...?

 

生活上遇上咩困難, 遇有咩唔如意, 無人會明白我 理解我. 我成日都諗, 如果我唔係黎做野, 係黎日本讀書的話, 我估我會比而家開心(當然撇除佐經濟金錢上方面啦), 因為黎讀書的話, 會認識到朋友, 大家有共同既目標, 共同既生活環境, 有煩惱有心事可以搵到人傾訴. 但係我, 我係日本係完全無朋友, 每日都係一個人生活, 雖然我係有同事, 但同事始終係同事, 難道你工作上唔開心, 生活唔如意, 有幾咁homesick, 你可以同同事講嗎? 加上D同事又未試過"離郷別井", 有邊個會理解到我而家既感受, 明白我既困難吖?

 

我知我自己係好無用, 只係在外生活半年都捱唔住咁. 但我真係好唔鍾意一個人既生活呀, 食飯一個人, 去玩一個人, 開心一個人, 傷心一個人, 訓覺一個人. 當大家成日都話好羨慕我呢種生活既時候, 我內心不知幾想大嗌"我其實好想返香港呀!"

 

黎日本生活同黎日本旅行係完全兩回事, 大家黎日本旅行只係玩幾日, 見既食既都係日本最好既一面, 當然非常開心唔捨得走咁濟啦. 但咁唔代表你一定都會鍾意係日本生活同工作架喎, 始終生活係現實的, 唔係大家心目中諗得咁理想. 大家唔好淨係睇表面, 以為我真係返工等返工, 放假就可以去玩咁happy先得架...

 

 

待續...

2010年3月19日(五) -- 開蓬觀光巴士遊東京都心

好耐之前, 我同事話某日係公司附近見到有雙層開蓬巴士駛過, 得知呢架觀光巴士, 問我有無興趣坐, 我當然話有啦. (其實本音係興趣不大) 於是同事就話搵日一齊去搭.

 

但係同事Ms S佢本身好忙, 我又好忙, 夾黎夾去都搵唔到時間可以一齊去搭.

 

上星期同Ms S及另一個舊同事Mr Y一齊去食しゃぶしゃぶ, 席間Ms S同Mr Y講, 話應承佐同我去搭觀光巴士, 但我研修期都就黎完, Ms S都無辦法抽到時間同我去, 於是叫Mr Y不如陪我去搭啦. (Mr Y而家為佐應付考試, 全職在家溫習)

 

加上同事知我阿媽黎佐日本, 於是就話叫埋我阿媽, 三個人一齊去搭勒.

 

Mr Y佢負責預約巴士, 最後預約佐19號15:40開出既班次, Ms S佢話請示佐社長, 可以比我返返吓工走出去搭觀光巴士, Yeah!!

 

出去之前, 公司同事買佐便當係公司一齊食:

 

上車既地點係東京駅三菱ﾋﾞﾙ前, 上車前我要搵樣野先...

 

就係搵呢堆鬱金香花花啦, 我一兩日前睇電視, 知道丸之內ﾋﾞﾙ附近擺設佐好多鬱金香, 所以上車前爭取時間影幾張相先.

 

 

而家只係3點幾, 都好多人圍住晒影相, 如果放佐工先黎都唔知咩環境...

 

好啦, 夠鐘上車:

 

 

 

今日天氣並不是太凍, 應該有十一, 二度左右, 但沿途D風係咁吹, 都咪話唔甘...

 

我地搭既呢條線會經過皇居, 東京鐵塔, 台場, 築地, 銀座, 兜一個圈最後返番東京駅, 車程約1小時.

 

點解大廈天台會有鳥居既?:

呢個角度影東京鐵塔, 真係未試過:

 

 

 

去台場呢段係高速公路, 吹到人都顛, 好鬼凍呀~~~

 

 

 

 

黎到銀座啦, 呢個歌舞伎座, 果日睇電視好似話會重建定改建:

 

呢程巴士每位收費1,700円, 抵唔抵就見仁見智啦...

 

SKYBUS TOKYO巴士資料

 

搭完車, 同阿媽及Mr Y去食碗拉麵, 我就要返番公司, 阿媽就係銀座行吓街等我放工.

放佐工之後, 帶阿媽去香港人必到既景點: 二木之菓子.

 

一去到二木之菓子門口, 我同阿媽講, 呢度係香港人必黎架, 點知話口未完, 剛剛入到舖頭就即刻聽到廣東話, 裏面果然勁多香港人, 哈哈.

 

今天旅程完畢.

阿媽來日

上個星期阿媽黎佐日本玩, 以下係其中一餐, 又係叫到成枱都係...

  

3月19號會同阿媽去搭觀光巴士遊都心; 21~22號會同佢去千葉縣南房総玩兩日一夜(點知係一個惡夢囉...)

又喊啦...

無錯, 我又喊了.

  

不過喊唔係因為唔開心, 而係因為好感動.

 

之前我都講過日本既電視節目係比香港既垃圾節目好睇好多. 其中有D節目係講感人既真人真事, 有日本發生既, 亦有外國發生既. 呢D故事唔係就咁用口講就算, 而係有晒"案件重演", 所以代入感就更加強啦.

 

我記得自己曾經睇到喊既真人真事包括有"義犬捨身救主", "身患絕症少女堅強對抗病魔", "餘命3個月媽媽拍給兩歳兒子長大後看的video", 仲有好多好多...

 

睇呢類節目其實可以引起人好多反思, 返到香港後無得再睇, 真係會有D失落...

 

都係果句, 有無人知道點樣可以係香港睇到日本既即時電視節目架...? (除佐keyhole之外) 我真係唔介意每月比幾舊水月費去收看架~~

2010年3月14日(日) -- 高尾山一天之旅

今日我既目的地係離開新宿只係一小時車程既高尾山.

 

由新宿出發可以搭京王線, 去到高尾山口站落車.

 

今日3月14日, 係果度既火渡祭, 上山前梗係去會場睇吓先啦.

 

行火路:

 

排隊行火路既人, 排到唔見盡頭:

 

我見好多外國人都排隊行, 我當然唔行啦, 都唔知要排到幾時...

 

我唔知行呢D火路有咩規矩既呢? 我見有D人行行吓比D staff鬧, 係咪要一個行完先可以到下一個呢? 同埋我見有個鬼佬一路行一路拍緊video, 個staff就對佢大聲呼喝.

 

睇佐陣我就去到山麓站買飛搭lift上山啦. 單程470円, 往復900円.

 

呢期做緊promotion, 用PASMO或者SUICA買飛的話, 仲可以參加抽奬添喎:

我抽中佐A賞, 有支綠茶同埋一條蔬菜條, 好野~ 我頭先仲諗緊好唔好用150円買支野飲, 而家可以慳番.

 

就係搭呢D lift上山啦:

超搞笑, 真係有個人坐係度幫遊人影相, 咁落後既?:

全程12分鐘左右.

 

上到山已經三點幾, 上到黎高尾山梗係要食出名既蕎麥麵啦, 750円:

 

食飽飽有力氣上路啦, 行上山頂都要大半個鐘耶...

 

本來我想行4號路上山架, 因為途中可以經過吊橋, 可惜4號路有大樹倒冧佐, 要暫時封閉:

咁唯有行2號路, 經過藥王院上山.

 

呢度D樹, 閒閒地都幾百年樹齡:

唉, 行極都行唔完咁既...? 無晒氣啦...

 

 

 

 

終於都到山頂啦~~

 

 

差唔多日落lu.

 

隱約見到富士山架, 睇唔睇到??:

 

逗留一陣就要回程啦, 6點鐘係尾班cable car落山, miss佐就要靠11號車落山囉, 咪搞...

 

落山唔係搭頭先上山既lift, 因為lift只係去到四點咋, 落山我搭cable car, 可以試晒兩種交通工具麻. (雖然我呢大半年已經搭佐N次lift同埋cable car...)

 

我好似聽到駕駛員話其中一段路既斜度係全日本之最喎...(唔知以我既小半桶水日文有無聽錯) 

 

今日行程完畢, 聽日又要返工...

 

2010年3月13 日(六) -- 鎌倉, 江之島一天之旅 part 2: 江之島

黎到鎌倉, 指定動作我相信係去睇鎌倉大佛. 不過我黎長谷站唔係為佐睇大佛喎, 因為我十幾年前已經去過, 所以今次就唔去囉. (如果睇大佛唔駛入場料我都會考慮吓重遊既...)

 

黎長谷我只係想行吓條長谷通り而已...

 

係度買佐D燒餅, 上面寫有文字的, 買佐一堆送比同事用, 200円/塊:

 

仲有買佐呢舊唔知乜鬼野食, 180円:

 

離開長谷, 已經開始天黑啦, 但我仲想去埋江之島喎...

 

搭江之電係江之島站落車:

 

落佐車後要行廿分鐘左右先可以去到江之島. 沿途大風到暈, 吹到企都企唔穩咁濟...

 

終於黎到啦~~~

 

有D賣海鮮既舖頭:

 

 

可惜黎到已經好夜啦, 食唔到呢度既魷魚呀, 我去到排隊既時候, 已經見到隊尾個姐姐仔拎住個"本日終了"既紙扇, 唉...

 

由於黎到江之島已經完全入黑, 都去唔到D咩地方, 唯有去個展望燈台睇吓啦.

 

沿途會經過江島神社.

 

呢個江島神社好鬼無聊, 如果你唔想行樓梯上, 可以選擇比錢搭escalator, 但其實要行既樓梯又唔係真係好多級架咋喎, 比佢更多石級既神社都未見會起個escalator...

 

呢度都幾多貓喎:

 

 

個燈台係サムエル・コッキング苑裏面(一個公園囉, 唔知有咩特別), 入去サムエル・コッキング要入場費200円, 想再上個展望燈台的話要另外比多300円.

 

 

一場黎到, 梗係上埋個展望燈台啦~~ 我發覺如果唔入公園裏面, 離遠係影唔到個燈台既全貌的, 因為會比D樹呀, 建築物呀遮住晒.

　

　

　

 

上到黎睇到既夜景:

 

用夜景mode拍好鬼難影, 影佐幾廿張先有張唔手震可以收貨(加上果度咁大風, 個燈台其實係微微搖動緊的).

 

好啦, 要行番去車站啦:

 

 

離開江之島, 唔搭江之電囉, 去片瀨江之島搭小田急線返新宿: