見到Theresa

星期三朝早八號風球, 但係晨咁早十一點幾就落佐風球, 所以下晏都要返工.

 

放佐工約佐人係尖沙咀食飯, 係海港城三樓賣電器果層見到Theresa同埋佢既助手經過, 我同佢地迎面而過, Theresa個樣同上鏡差唔多, 無咩大分別, 不過佢個樣真係好假, 佢呢期扮日本娃娃(有人話佢抄日本呢期好紅既model Lena Fujii), 個妝好白, 胭脂好紅, 我覺得D粉勁厚. 總之成個樣就好假啦, 同埋佢個表情好cool.

 

一路上都好多人認得佢, 好多人回頭望.

 

我記得兩年前仲係尖沙咀返工, 放工果陣係海防道見過陳冠A, 真人好矮, 完全唔靚仔, 當時佢既衣著係板仔look, 佢果陣既表情都係一路行一路咀藐藐咁, 個樣係串串貢.