地址: 上環德輔道中199號維德廣場地下G07-08號鋪
電話: 2854-1616
上星期一放工後同老細兩條友去佐呢間餐廳食飯, 我地已經係第三次黎呢間餐廳食, 成日去既原因唔係佢D野好好食, 只係因為佢近我地公司.
講真之前果兩次, 我地都覺得D野麻麻地好食, 最好食既竟然係個甜品... 因為之前個set dinner既主菜, 佢總係配埋D好鬼難食既薯蓉(D薯蓉唔知撈佐D咩, 搞到成pat薯蓉淺啡色既, 又難食), 同埋唔知咩鬼野蔬菜, 總之個賣相唔靚, 個味道又唔掂.
今次去, 我覺得佢地有好大改進, 首先我記得以前D set一係揀餐湯, 一係揀沙律, 今次去, D set就包埋餐湯同沙律(不過個湯淡佐D). 同埋今次D主菜既賣相靚佐好多, 終於無佐果pat核核突突又難食既薯蓉.
甜品都仍然咁好食, 但個set始終都係唔包餐飲...
同老細兩個人食飯幾開心, 同佢傾計, 佢間唔中會袋錢落我袋.
沒有留言:
發佈留言