每一年既3~5月, 回南天, 濕氣重, 濕度高, 又成日落雨, 牆上面就會"吽"出好多黑色/啡色既一點點蟲仔, 我都唔知佢既學名係咩, 但係每年既呢個時候, 總會係牆上面, 天花板, 或者一D木製東西上面出現, 好討厭呀!!! 之前有人教我地用布濕D漂白水黎抺牆, 因為聽人話呢D黑色粒粒蟲係靠霉菌黎生存, 用漂白水抺走牆上面既霉菌, 就可以將呢D粒粒趕絕.
於是我今日就係屋企對付呢D討厭既粒粒, 我先用吸塵機吸走晒D粒粒, 然後再用浸過漂白水既布抺牆身, 呢D野都唔知係邊度"爛"出黎, 都唔明點解吸完之後, 明明見度果個範圍內係無晒粒粒, 轉過頭返黎睇睇, D粒粒又出現返! 佢地係邊度出黎架? 就算係D櫃後面爬出黎, 都無理由爬得咁快架? 激死人!!
到底點樣可以將呢D野趕盡殺絕呀? 年年都要大屠殺一次, 好煩呀!!
2 則留言:
用個 d滅虫噴霧得唔得呢?
[版主回覆06/30/2008 18:00:00]果d好似會整污糟其他傢俬耶~~
又或者用冷氣機抽濕功能(若冇抽濕機既話)抽一抽走d濕度會唔會有幫助? 又或者點香薰(什麼檀香味呀, 驅蟲之類個d味)得唔得? http://blog.yam.com/BlogIndex.php?BLOG_ID=miranda8423&CATEGORY_ID=1035108 你睇下呢個 blog, 睇下幫唔幫到你.
[版主回覆06/30/2008 18:00:00]嘩, 唔該晒你呀, 你介紹果個blog好詳盡~
發佈留言