今晚同流沙包去佐文化中心睇詹瑞文, 詹瑞文真係一個好出色既表演者, 成場show三個幾鐘, 只有佢一個人係台上, 無對手, 只有些簡單的佈景與道具, 但係就可以帶動觀眾既情緒, 掀動全場既氣氛. 佢扮果樣似果樣, 同埋佢既演澤方法, 有時真係估佢唔到.
不過, 尾段發生佐D不太愉快既事件, 係尾段, 詹瑞文好慢好慢咁由台側行去台中間支mic stand度, 竟然有幾條友係度大嗌:「行快D啦!」, 仲要嗌佐兩次. 聽把聲應該係D十零歳既死0靚妹. 到底佢地呢班人, 知唔知咩叫尊重別人, 尊重自己? 知唔知咩叫修養? 你以為自己0係紅館呀? 你地唔識欣賞表演無人會怪你, 但你咁樣嗌出黎, 一來比全場人都知道你地係幾咁無知, 二來又影響到表演者同其他觀眾... 唉, 真係...
沒有留言:
發佈留言