黃子華棟篤笑 -- 係咁架啦, 好出奇呀?!

12月19日, 我同流沙包去佐睇黃子華, 黃子華做佐咁多年棟篤笑, 我呢次都係第一次睇現場. 睇現場既原因係因為其他人都話黃子華講得好好笑, 其他人如林海峰同佢差好多皮, 於是我就即管買飛感受下現場氣氛.

我覺得都幾好笑既, 但未至於好好笑, 因為我唔係果種少少事都可以大笑一餐既人. 我覺得最好笑係當黃子華講到樽裝水賣兩蚊支, 維他奶加糖加奶又係賣兩蚊支, 覺得好唔公平既時候, 突然有觀眾活學活用大嗌: 「好出奇呀?!」, 即刻全場爆笑.