原來砵仔糕好容易整, 成本又平, 以後唔駛再出街買黎食喇~
成本: 約$5 (6個)
食譜參考: am730
材料:
1.粘米粉100g $1.48
2.黃砂糖90g $1.23 (我喺百佳搵唔到黃砂糖, 所以買咗紅糖, 同埋我只係落咗55g)
3.紅豆小量
4.清水1杯半
步驟:
1.紅豆先浸一晚後, 用中火煮軟(煮約1小時), 隔水備用
2.用一杯水煮溶砂糖, 待涼
3.糖水倒入粘米粉, 慢慢攪成稀漿
4.再加入半杯水攪勻
5.倒入小碗內
6.以猛火蒸5分鐘後, 加入紅豆再蒸20~30分鐘
1.味道好好, 同街外買既有得揮, 墨魚妹試完都話唔錯架~~
2.我唔想專登買細碗仔, 所以用咗飯碗整, 整出黎個形狀無咁得意, 不過我覺得係小問題
3.下次可以試吓其他味, 如黑糖, 芝麻等等
5 則留言:
我上星期跟著你呢個食譜做左啦....屋企人都話好味..但梗身左 , 所以我想問係咩問題呢...? 水唔夠多 ? 定係咩原因呢..?水嘅份量幾多呢..?謝謝你 ^ ^
[版主回覆07/05/2013 10:58:15]1杯半水即=300ML. 我整果D又唔算硬身喎, 你落咗幾多水? 紅豆係滾水落, 煮到佢淋身就OK. 其實砵仔糕既食譜都有好多款, 但通常我見落澄麵既食譜就比較多. 例如你可以參考呢個:
http://blog.yam.com/ivman/article/8966994
不過我自己就唔係太鍾意整一樣野就要專登買一個平時唔多用既材料, 所以我呢個食譜唔駛落澄麵都整到街邊買既味道, 我就無試其他食譜啦~.
另外,想問紅豆浸左一晚之後,係隔水蒸嗎..?謝謝 !
我睇到d人話可以加粟粉, 但唔明點解,你知道嗎..?因為想做出嚟腍身d..唔想咁硬實實啊~~~
因為我唔想做出嚟嘅砵仔糕口感咁煙韌,我想做得腍身d , 軟身d啊....謝謝 ^ ^
哦..謝謝你..可能我落水太少呢....等我下次再試下先....
發佈留言