尋日係我既last day, 說實在, 我係唔開心的, 因為我好唔捨得.
其實我唔係討厭呢間公司, 呢間公司既同事好好, 我阿頭好好, 有問題既係果位日本人老細, 同埋公司既management.
尋日我阿頭AL, 所以唔係公司, 我今次resign, 我自己覺得最對唔住既就係我阿頭, 我同事話我阿頭心裏一定都唔好受, 所以今日放假唔出現.
負責admin既同事今日交埋封reference letter比我, 係我阿頭寫的, 之前有朋友話我咁樣"一走了之", 小心封reference letter... 收到封信後, 我坐係自己個位度一路讀, D眼淚就一路係咁流… 封reference letter寫得我好好, 比我想像中更好, 講我係公司做過好多野, 完全係有讚無彈, 所以我心裏面更加內疚, 諗番起呢三年黎我阿頭對我既教導, 我真係好難過, 最後要匿埋係toilet自己喊佐陣.
如果公司唔係由果個咁既日本人去head住, 我估大家同事會做得更開心, 而我亦應該會係公司繼續做落去…
好啦, 講吓D搞笑野, 有好多同事"謀住"我個位D野, 有個同事自己個keyboard唔係咁好打, 一早已經講明佐要換走我個keyboard; 亦有同事個speaker壞佐, 公司又無幫佢換, 所以我個speaker亦都換佐比佢; 而另一位同事因為佢枱頭電話果條聽筒電話線變晒形, 所以亦都同我換佐個電話. 我個位既有用物品已經奉獻晒出去啦, 哈哈~~
唉, 真係好唔捨得班好同事呀…
6 則留言:
我都好明白你嘅心情 ,唔好唔開心喇 ,希望在明天嘛 ,祝妳前程錦繡
[版主回覆08/05/2010 20:41:00]thanks~~ 唔知呢個油牆假期可以維持幾耐~~
我阿姐都好好架，同事又好…(um…咁八婆總有一兩個)，又係公司政策唔好…
今次走，我都唔係好捨得。不過有捨先有得，唔開心之餘，盼望未來活得更好﹗
[版主回覆08/05/2010 20:41:00]我幾鍾意你"有捨先有得"呢句, 一唔開心我就諗番起你呢一句~
明天會更好.加油!
[版主回覆08/05/2010 20:41:00]thanks~~ 而家日日係屋企執屋, 淨係書房都執佐幾日...
你個阿頭真係好好呀! 唔使唔捨得啦. 有時都可以約返d fd既同事出黎架嘛! 希望你之後個份工會更好la! 加油!
[版主回覆08/05/2010 20:41:00]THANKS~ 而家日日勁HEA, 日日訓到九點幾先起身, 都幾爽~~
唔好甘LA, 下一份好工等緊你^^ENJOY UR 悠長
當初我都好唔捨得, 唔捨得D同事
無奈因為"佢", 唔想再留係到
[版主回覆08/05/2010 20:41:00]你話如果"佢"消失於公司的話, 你話幾好呢?
不過都好在我黎佐之後你先走, 否則都識唔到你~
好明白你感受...我都曾經試過...記得個日自己都好冷靜...去面對..但一離開office就喊到飛起呀~~而家諗返轉頭...都好傻呀~~不過..人之常情呀...人是感情動物...而家還會keep 住同佢聯絡呀...感情已經去了另外一個層次啦..
[版主回覆08/05/2010 20:41:00]係呀, 最後大家係MEETING ROOM食西餅兼影相果陣我幾想喊呀, 死忍住咋~~
發佈留言