今日搭968由元朗出銅鑼灣, 有3個15歳唔夠既小妹妹坐係我隔離同埋後面既座位, 坐我隔離果個好靜, 無咩出聲, 後面兩個女仔撩佢講野, 佢都係一問一答. 但係坐我後面果兩個女仔, 一上車就雞啄唔斷, 其中一位既聲浪仲好似巴士阿叔咁大聲…
小朋友多野講唔係問題, 問題係聽見佢地既對話內容, 真係汗顏… 從佢地既對話當中, 我聽到好多不堪入耳既詞語, 例如佢地形容某些發姣既女同學係"姣西", 形容某男同學係"MOKE契", 係新潮語黎既???
以下節錄某幾段對話:
對話1:
A: 阿XXX果日同我示愛呀, 但個方法超老土囉, 佢係MSN度係咁話"其實… 其實…", 跟住我答佢"其實你老母!" (14歳可以咁爛口, 好野!!), 之後佢話佢好鍾意我喎, 咁我咪話我都鍾意佢囉…
後尾同佢出街, 上佐佢屋企, 見到佢阿爸, 佢阿爸都幾錫我架, 係咁問我飲咩, 可樂定七喜, 話落街買, 我話要啤酒, 佢阿爸真係買佐罐啤酒比我. (咩世伯黎架?)
但我地拍佐一個月左右就散佐啦, 佢老豆老母唔鍾意佢拍拖喎, 我老豆就無咩野既, 但我阿媽唔鍾意囉…
B: 我阿爸阿媽就無咩所謂喎, 我阿媽話我自己識處理就得架啦喎…
A: 跟住一個月後我就鍾意佐YYY勒…
我的感想: 唔通係我太古板? 而家呢個年代連D父母都係咁, 買啤酒比個15歳唔夠既0靚妹飲? 咩野"自己識處理就得呀"? 14歳人知道咩係愛情? 有無教定你個女點避孕先?
對話2:
A: 我同YYY示愛, 我摺佐好多##(我聽唔清楚係星星定乜野, 但估唔到呢個年代仲興送呢D野), 入落個玻璃樽送比佢, 點知佢唔要喎, 我咪掉落垃圾筒囉, 阿SIR問我掉佐D乜, 我咪話係D無用既野黎啫.
B: 咁你買佐幾多包摺紙呀? 嘩, 都幾揼本喎.
A: 我覺得錢對我黎講唔係問題喎…
我的感想: 如果我係佢父母, 我真係想兜巴摑埋去囉, 你錢都未識點搵, 咁大口氣話"錢對我唔係問題", 勁! 你試吓完全無零用錢用吖嗱?
對話3:
係佢地既談話內容我聽到佢地係去動漫展, 電話響起.
A: 喂, 吓? 點解你會有我電話架? … 有仔黎呀? 我地呢度有3條女呀! (咁樣形容自己都有既? 話時話你咁樣算唔算姣X呢?) … 咩話? 你頂我? 你仲咩頂我呀? 你頂我邊度呀? (聽到呢句我當堂呆佐, 估唔到佢會咁回應喎) 吓? 你強姦我?...
A收線後, B問A: 同校架?
A: 唔係呀, 網友黎架.
我的感想: 唉, 救命呀~~ 我真係打死都唔會生囉… 14歳原來已經係網上識男仔? D對話仲要"強姦呀""頂我邊度"之類… 點解而家呢個年代會咁架?
15 則留言:
好可怕. 我諗好睇父母點教...同埋小朋友群埋啲咩朋友囉.
[版主回覆08/05/2010 21:00:00]我覺得, 自己都未顧得掂就咪鬼生下一代啦.
物以類聚......
[版主回覆08/05/2010 21:00:00]好在坐我隔離果個都算正正常常...
所以我都好擔心，仲諗緊生唔生呢個問題 … 諗左好幾年都未諗掂呀 ! 但 o的長輩係唔會明妳擔心 o的乜 !? 一係話「係要生架 ! 」 !!?? 一係就話「生左先算啦」o下 !!?? 咁都講得出 !?
[版主回覆08/05/2010 21:00:00]生佐先算? 邊個教呀? 教得唔好盞激死自己, 咪搞.
聽到都想死呀.... 我真係唔明d父母係點教架 唔知點解而家呢代既會咁隨便 d女仔任人摸任人搞, 做援交都唔覺得有問題 d男仔又鬼死咁早熟, 十幾歲就又強姦人呀呢樣個樣 其實而家好多人都只係生一個o者... 但係點解可以教到個細路咁樣架?! 如果我有d咁既真女我真係會打q死佢地呀! 當然我希望自己既下一代唔會係咁啦... 真係父母既責任好重大呀/
[版主回覆08/05/2010 21:00:00]咪係囉, 呢一代人既價值觀完全變晒, 你睇吓而家D 0靚模, 明明賣弄色情就死口否認, 話自己果D係藝術, 不知所謂.
呢+ 先細路真係好難教.... 我覺得佢地咁大聲係度講呢d野係以為自己好威 我係佢地阿媽我一定吐血身亡....
[版主回覆08/05/2010 21:00:00]無錯呀, 佢完全唔知醜字點寫, 大大聲咁講出黎真係以為自己好威咁...
我地年代的父母係有体罰的、我都記得点様比父母打到跳舞。 現在ｄ父母係吾会罵、体罰係上個世紀既事。 打両下羅友就話虐待、D死仔死女又識去報警。 攪到ｄ細路連基本尊敬都無、対住父母可以wai wai 声、吾係就漫罵、係一副天下無敵個衰様、不知所謂。 響街上、見到有D父母患上急性白内障、対仔女響公衆場所的不合理、野蛮行為可以視而不見、比人話仲会話：細路仔係咁架lah、U來教亜！ 簡直連當父母的自覚、當大人的身分都無！ 吾怪得知U響BUS到遇到ｄ不知醜恥為何物的１４，５歳的物体！ 有此怪物年青人係D父母既錯！！
[版主回覆08/05/2010 21:00:00]咪係囉, 適當既體罰係應該架喎, 打兩下就話虐兒, 駛唔駛呀?
而家D父母, 自己都未識照顧自己啦, 點會識點教呀, 一係就推晒D責任落學校度, 離晒譜.
做乜要標籤人地？咩野叫而家o既90後？而家香港地連特首都可以係直播節目講粗口呀，妳都未見過大蛇屙尿。
[版主回覆08/05/2010 21:00:00]或者我真係應該返火星, 地球唔適合我.
無得救...可能佢地都係COPY左父母既一套都未定
[版主回覆08/05/2010 21:09:00]香港有前途呀...
父母其實真係有好大責任架...而唔係生完就唔理.....
[版主回覆08/05/2010 21:09:00]可惜而家好多小朋友都無家教, 有時行街見到D細路, 郁D唔鍾意就發脾氣, 喊, 狂叫, 又無禮貌, 真係眼冤...
這類青年多的是… 家長，學校也好難教得到。 小時候罵已經唔聽，打又唔可以。 可能連家長自己也恢心了！我覺得。 現在的青小年可以說是自我為中心吧！自己想點就點！ 說粗話？有什麼不可！尊重別人？咁邊個來尊重我！等等的想法。 覺得在網上識其他人出街，沒有什麼問題！ 壞人什麼，到時先算~！ 想想… 現在這個社會生小孩真係好難教…
[版主回覆08/05/2010 21:09:00]係囉, 而家D細路講粗口不知幾流利, 反而要佢講正經野就口疾疾...
其實我o個個年代都有d咁樣既人,不過無咁多同埋呢家越黎越細個越黎越離譜~!!!
[版主回覆08/05/2010 21:09:00]以前D細路都仲有D"童真"吖, 而家...? 好難囉...
我都見過好多呢d死o靚妹o靚仔, 真係聽到耳屎都飛埋出o黎, 我自己有個女都好驚佢會變成咁, 朋輩o既影響好大o架嘛, 我好驚我聽到自己個女講d咁o既o野果陣, 打死佢好定鍊死佢好
[版主回覆08/05/2010 21:09:00]係囉, 我好似佢咁既年紀果陣都仲係十下十下咋, 而家呢個年代已經識得援交搵錢, 勁呀~~
係好恐怖呀~~你講得啱呀...要諗清楚...而家80,90後...思維就係咁樣...
[版主回覆08/05/2010 21:09:00]所以我好堅決, 一定唔會生~
When I was at their age I was like a piece of cloud.....the world is changing
[版主回覆08/12/2010 11:04:00]而家D細路真係掂啦, 我地完全唔夠佢地黎~ 有前途!!
每個年代都有o的咁o既妹妹仔, 記得我細個時都係80後啦o的妹妹仔都係咁粗口爛舌o架~ 但係女仔人家咁粗口真係好唔得囉, 仲要講咸濕o野仲勁過o的男仔.
有好幾次坐巴士後面有個靚女由上車講電話講到落車, 差不多一個鐘未停過, 又大聲, 中90%夾雜粗口, 係非常流利嗰隻, 同佢個靚樣極唔夾囉~
[版主回覆08/12/2010 11:04:00]係囉, 都唔明, D女仔大庭廣眾講粗口唔會覺得醜架喎, 仲好似好威咁, 都唔知咩心態...
發佈留言