頭先落街食飯, 橫風橫雨, 返到黎先知原來係紅雨.
記得七月中咪有兩日係黑雨既, 真係痴痴地.
唔明點解有D公司係黑雨可以早放工既...? 黑雨唔同八號風球喎, 通常黑雨掛得個零兩個鐘就會除下架啦. 而且黑雨果陣應該要留係安全既地方先啱架喎, 點解反而可以即刻離開公司返屋企既呢? 奇怪...
記得7月22號臨放工先黎黑雨, 麻鬼煩, 本來約佐D friends食飯架麻, 結果要取消, 於是我就返元朗同流沙包食飯啦.
返到入元朗, 無雨既...? 但黑雨仲未除下架喎...
天色仲幾好添喎:
結果雖然果日係黑雨, 但我全日都無開過把遮囉, 勁!!
1 則留言:
嗰日真係俾個黑雨玩謝, 一掛就搞到冇shuttle bus放工, 等到6點幾越落越大雨冇辦法要冒住大雨落山, 有遮等於冇遮, 落山好似行經山溪咁, 過馬路好似過河咁, 上天橋人人俾橫風吹到企埋一邊, 出天橋好似行過瀑布底... 結果對靚鞋浸到差點報銷 (回家搶救三日呀!), 好在著短裙, 只係由大腿濕到落腳, 上身有位高大o既男同事嗰把超大直遮幫我風雨 (不過佢就由頭濕到落腳), 單靠自己把遮根本擋唔到雨~
本來諗住坐巴士返屋企, 但排排下隊見o的巴士塞咁耐都出唔到去, 拿拿臨轉去坐地鐵, 7點半未夠就返到屋企, 反而早我幾個字走o既同事8點幾先返到屋企! 因為地鐵巴士站出面大水浸, 浸住架巴士!
依家我放番對舊鞋响公司以備不時之需~
[版主回覆08/12/2010 11:01:00]我早排一見天氣唔對路就會著水鞋返工, 費事煩.
同埋黑雨果日我叫流沙包唔好搭巴士返元朗, 肯定塞餐死, 所以搭佐地鐵+西鐵返屋企, 好彩我同流沙包一出公司就係地鐵站, 無驚無險返到屋企.
發佈留言