8月份, 油牆假期正式開始, 第一步做咩? 答案係執屋.
油牆假期未開始前, 個廳亂成咁:
無法啦, 因為係公司執晒D私人物品返黎, 都未有時間整理, 求其放晒係餐枱面就算.
買佐D廚房用品返黎, 又未得閒執, 放住係地下先:
8月開始執屋, 係書房執佐一大堆無用既書同埋舊NOTES出黎.
紅色同白色果兩袋入滿晒A4紙, 全部係流沙包以前進修既NOTES:
執廚房就執佐呢堆垃圾出黎:
係廚房執佐呢堆野出黎, D煲呀碟呀水煲呀全部全新未用過... 將會"轉贈"去就黎結婚既細妹新居, 嬉嬉~~:
黎緊仲有個洗手間未洗, 雪櫃未抺, 衣櫃未執... 唔知幾時先執得完.
6 則留言:
我之前只係執自己間房咋~都執到頭都大~
[版主回覆08/18/2010 13:20:00]所以我執佐半個月先執好間屋呀~~
嘩~~咁你屋企又真係幾亂喎~~!! 哈..同我屋企有得比呀..我都好懶去執屋...去到忍無可忍地步先會去做...但執完間屋就會好靚呀~~! 努力加油呀..
[版主回覆08/18/2010 13:20:00]我一向唔多執屋架, 不過而家油牆中, 無理由再唔執架麻, 否則流沙包唔會放過我
U有大把時間慢慢執lah... 吾洗急、also急吾來。
[版主回覆08/18/2010 13:20:00]哈哈, 終於都執得七七八八啦, 希望唔好轉過頭又整亂番啦~
嘩............都好多嘢要執， D 嘢多到重好似亂過日本間屋喎
妳呢個油牆假期一定好充實吓
[版主回覆08/18/2010 13:20:00]呢半個月不知幾充實, 日日諗今日執邊度好, 哈哈.
油牆假期第一步唔係「油牆」乜？
[版主回覆08/18/2010 13:20:00]油牆可以慢慢黎麻~~
執屋.....係一件永遠都唔會有停嘅一日~
[版主回覆08/18/2010 13:20:00]但唔做又唔得喎~~
發佈留言