呢幾日, 脾氣勁差, 心情勁down.
自從星期一發生馬尼拉慘劇之後, 心情一直沒有舒展過.
我知自己M到前會勁忟憎, 但呢幾日成個人好似癲佐咁, 獨自一人在家都會對住D死物咆哮.
再加上我真係好討厭果隻爛鬼流沙包.
我已經講過N次, 唔鍾意佢同D學生咁close!!!!
人地學生今日做過咩, 同邊個係邊度食飯, 幾時去邊度, 關你乜野事呀? 成日來來回回send埋晒D咁既SMS, 我真係眼火爆呀!!!! 我覺得呢D咁既SMS係情侶之間先至會做架咋??!! 果隻流沙包話呢D係閒話家常喎!!! 就算佢有時同我落街食飯或者去超市買野, 條友都會拎部電話出黎唔知SMS定Facebook緊, 總之一有時間就對住部電話係咁篤篤篤, sorry囉, 我阻倒你囉, 阻住你同D學生"閒話家常"囉!!!
我唔知呢一代既教師係點樣, 自己既手提電話, Facebook, MSN都比埋D學生, 條友仔已經差唔多每晚都有野做, 每晚成十點, 十一點先返黎屋企. 返到黎屋企第一時間係開電腦囉, 然後不停咁同人MSN, Facebook. 我覺得自己似同屋主多D囉. 咁又係, 我都已經係一件C9扒啦, 比我都寧願上網對住D十零歳既妹妹仔啦!
有時佢D學生打電話黎, 我係側邊都會聽到佢地講咩, 我聽到D學生會話"好掛住你呀!", 我嬲係咪好正常呀?? 有時又會見到佢D唔知send比邊個既SMS寫住話"很想念你!", 我發脾氣係我太小器嗎? 得! 第時我同男性朋友一日幾廿個SMS噓寒問暖, 係咁話好掛住你, 日日send埋D無聊SMS講大家今日要去邊, 要做D咩, 幾點會返屋企之類果陣, 你都唔好過問我!!
講真, 如果以前唔係發生過唔止一次既不愉快事件, 我都唔會將呢D野睇得咁重. 如果之前唔係發生過D唔開心既野, 以上所述, 我可能都會覺得呢隻流沙包係一個比較關心學生既阿sir囉. 但講真, 自從不愉快事件發生後, 我已經唔係100%信任佢. 每次見佢收/send SMS or MSN, 我心裏就忍唔住問"邊個黎架? 你同佢咩關係呀? 學生? 真係學生?", 我真係好辛苦呀, 我無辦法擺脫到我既心理陰影, 你話我成日亂諗野?!! 如果你唔係做過D咁既野, 我而家駛成日亂諗野??!!!!! 呢D完全係你一手造成架!!! 你之前應承過我既野有照做嗎??!! 完全係得個講字!!! 我睇吓幾時自己頂唔順谷爆既時候, 唯一既解脫就係同你離婚!!! 我唔想好似潑婦罵街咁, 儲埋隔幾個月就頂唔順發作, 又拎番呢D野出黎嘈呀!!! 又或者等我死L佐, 就無人再阻住你啦!!! 咁樣你滿意啦!!
而家暑假, 做教師既唔係應該都有D假放既咩? 我知佢忙, 好多兼職, 又好多野要練習. 但呢個七, 八月, 佢每個月都有時間同人遊船河3, 4次, 但就無一日空閒可以全日陪我囉. 呢個暑假裏面, 八月開始我已經油牆中啦, 但我地完全無一日係一齊出過街玩囉. 佢有時週末晚返倒黎同我食飯, 我已經要覺得好恩賜架啦, 妄想話佢可以陪我去行街睇戲食飯啦!!!
2010年8月31日星期二
勁燥勁down
訂閱：
發佈留言 (Atom)
13 則留言:
你的心情非常理解,我覺得你現在應該第一時間去搵工作,不要在家裡長時間地等待,應該要為自己作好準備,女性一定要有工作不要太過依賴男人,發生過的事當初能寬恕對方,就應該盡量忘記過去,你們在一起都有快樂時間,要珍惜.......
I am very sorry to hear this. Don't be so angry. But I do understand your situation. If I am you, I think I will react the same and will feel very very angry too.
I always think because you love him, that's why you get so jealous. But don't be too easy to say divorce arrr, I am sure both of you can work something out.
I totally agree what 虎女 said. Go and find a job and so you won't have time to think to much. Keep yourself happy, see some friends, waste some money, go shopping, go to do facial ...... go and buy whatever you want and always treat yourself good you have to love yourself more arrrrr .
Add oil and support support you arrrr !
我都覺得揾工好D, 不要好像在家等他的.
搵野對做你黎講可能係一個暫時既解脫，因為你唔會太依賴佢。
又係作為一個教師既老婆，原來我同你又有幾分相似。
我個件都有類似既徵狀架，facebook都係係咁上架，個個學生既野都睇，佢有d 同事仲會刨埋d 學生既blog 添，但係就未至於傾電話。可能佢教個科同帶既課外活動都係「仔」多啦。
不過我地去旅行個陣佢都係成日facebook 架，我都試過脾氣，話佢只顧facebook 唔理我。
唔知係唔係做呢行既都會有咁既傾向 (但我覺得應該唔係囉)
不過長遠黎講，你地都係要好好傾下，唔係就算你做返野都唔會解到你個心結
平心靜氣地溝通可能係其中一個解決的方法, 雖然知易行難, 但我相信離婚或嘈吵並不是你地想要的出路.
我覺得你目前最好都係: 搵返份工！
一個人冇寄託好容易就會產生負面情緒！
流沙包都唔係全部唔好呀！你講過佢會幫你做家務，你今次都係因為咁，所以先做個全職家庭主婦！
另外，你係日本時，你都飛過黎同你四處去！
所以你同流沙包傾下，講出你既感受，比個機會佢解釋，如果佢都冇任何改變，你先再作決定！
如果佢放暑假你又油牆中... 都無一日 "時間" 100% 拍拖, 又難怪你咁嬲. 兩公婆相處... 要少一點勞騷多一點溝通. 試吓平心靜氣傾吓, 話你想多啲二人時間?
唔好咁嬲住la!!! 我知你而家都係好燥ga la 見到自己既另一半係你油牆咁耐既日子中都陪唔到你一日係我都會嬲 我覺得中間緊係有d問題 相信你地要慢慢心平氣和咁去傾下 我見你去日本時流沙包都會黎搵你la 我諗事情一定會有解決既辦法既! 唔好咁衝動話要離婚住呀~~~ (我同你都好衝動呀~haha~~我知道叫人容易但自己做就難! 但點都好...希望你地可以平靜咁解決問題! 有咩就再黎blog度發洩~~~)
DEAR ALL,
多謝大家的留言, 但請原諒我唔逐一回覆了. 傾佐兩晚, 我暫時放低佐我既怒火同埋失控既情緒. 其實我都唔知自己想點, 明明想好RELAX咁放吓假, 釋放之前因工作所累積既不滿同負面情緒, 殊不知我卻越來越被這種負面情緒所控制.
我懷疑自己有些情緒病, 總之我而家看什麼都係灰色的, 負面的, 諗吓諗吓有時甚至想去了結自己... 再走不出這種情緒, 可能需要找些專業人士幫忙吧?
要大家擔心了, 對不起.
唉…男人！
我本身都係好容易唔開心的人 都好明白你ge感受 再加上冇野做, 自己亂諗野, d 唔開心就會愈積愈多 所以, 我都同意其他人, 要快d返工, 你會覺得有意義好多~
如果妳真係覺得自己有情緒病，唔好拖，快D去搵專業人士幫助．．．另外唔好留係屋企咁多，等自己一個人胡思亂想呀！ALL THE BEST...
邊個發明facebook 架 ? 個個中晒毒, 我都係..... 我老公話我成日顧住完Cafe, 煮燶未, Happy Farm 收菜偷嘢.... 我都嘗試戒緊......好痛苦呀..... 好似毒品咁
發佈留言