今日流沙包仲未駛返工, 於是我放佐工就返元朗, 亦唯有係元朗百老匯睇戲.
我自從N年前係元朗百老匯睇過戲之後, 我話過以後都唔會再係呢間戲院睇戲. 因為元朗百老匯D House真係細得痴線, 就算坐到最後果行, 你仍然需要岳高個頭睇戲, 辛苦到暈.
本來今日淨係打算睇神探伽俐略, 但係流沙包又想睇葉問, 於是我地買晒兩場飛, 七點九先睇伽俐略, 十點二接住睇葉問.
其實一次過睇晒兩場戲都唔錯, 因為我同流沙包只會係星期五睇戲(因為AE卡買一送一麻), 但係我地星期五又唔係成日得閒, 好多時想睇果D戲到落畫我地都未有時間去睇, 所以一日睇兩套可以盡量睇晒D想睇既戲.
講番兩套戲, 兩套都好睇, 堤真一真係好好戲啊~~ 同幾年前既Good Luck好大分別啊, 完全唔認得係佢黎~~
4 則留言:
我就幾鍾意係YL百老匯睇戲啦, 可能我生得矮冇左你個問題lor,哈哈~~
[版主回覆01/14/2009 17:53:00]下次坐側邊, 反而無咁辛苦...
我想睇神探都係想睇堤真一做戲, 佢做戲簡直係勁, d香港演員應該向佢學習, 佢做個樣似個樣.
[版主回覆01/14/2009 17:54:00]香港果d唔叫演員, 叫"明星"咋麻.
我都好唔鍾意去元朗間百老匯睇戲, 又臭, 坐得又唔舒服, 飲野想放杯野都冇"訂"放, 仲要係前面個人高既話, 個頭遮住我睇戲.
[版主回覆01/14/2009 17:55:00]係呀係呀, 你提醒我, 點解無位放杯架??
一次過睇2套戲?! 我估我會嘔囉...你兩個真係勁噃~ 其實你老公都幾sweet吖，放假都同你睇戲..仲咩你個header仲寫『枯燥既婚姻生活』呀
[版主回覆01/14/2009 17:56:00]個heading未諗到改咩好呀, 哈哈~
發佈留言