我個個星期日晚都會追明珠台播既America's Next Top Model, 上星期終於都完佐呢個cycle, 有D失落添. 其實我買Tatasha嬴架麻, 有潛質, 每個星期都有進步, 性格又可愛; 相反果個冠軍, 都唔知憑咩野勝出既, 明明每一個cycle評判都好睇參賽者既性格, 睇佢地適唔適合係model界裏面生存架麻, 我覺得Natasha有晒一切條件架喎~~~ 相反果個冠軍一D性格都無...
幾時先等到下個cycle呢~~??
另外除佐明珠台播既America's Next Top Model, 我都有睇國際台每逢星期日晚8點既Make Me a Super Model, 呢個係英國搞既. 嘩, 真係悶到抽筋, 節奏緩慢, 比賽形式無聊, 參賽者全無水準可言, 我每次都只係錄起, 然後以100X快鏡飛快睇完就算, 真係好悶呀.
每次要eliminate既時候, 就係要D參賽者無無聊聊出黎行catwalk, 然後比觀眾投票決定邊個留低. 超唔公平囉, 果個Jane, 肥到隻豬, 無氣質又唔靚, 一早應該出局架啦, 如果換轉係ANTM, 我相信佢連面試既機會都無囉, 但佢竟然可以留到而家?! 點解? 因為佢係英國人囉~ 由觀眾投票決定麻, 於是其他明明有潛質, 比呢個Jane好得多既參賽者, 都一一比人foul晒出局囉, 因為被foul既唔係英國人麻. 真係不知所謂!!! 睇埋呢一輯, 即使有下一輯會播出我都唔會再睇架啦, 超無聊!!
5 則留言:
我冇睇 last 個集, 結果係咪金色短髮既女仔勝出呀?
雖然最尾三個果個金毛鬼性格差勁, 但我覺得最靚佢喎
我又係好鐘意睇ANTM架，由第一季到依家都有睇，不過都開始覺得質素唔及頭２季咁好啦～ 完左ANTM，好在依家有JANICE DIKSON個節目吊下隱咋～ 以前好鐘意睇佢做評判架啦~ 哈哈~
我以前也是ANTM 的忠實擁躉,但很認同 J@n立絲 所講, 參賽者的質素的確不斷下降. __________________ 「生人霸死地」兩文三語怎樣說?
三姑: 金髮Renee先被out出局呀~ gg俠: 可惜佢個樣太老, 有個攝影師都話佢老到似乎唔應該入行. J@n 立絲: 係喎, 你唔提都差d唔記得佐佢添. 翻譯小妹Bella: 我反而頭幾個CYCLE無睇呀, 錯過佐添.
發佈留言