今日ANATA朝早無野做, 我地可以去飲茶, 飲完茶去佐投注站, 一入到去個實Q就截住我, 請我出示身份證, 真係開心死~ 估唔到今時今日廿七?人, 入投注站仲會比人查身份證~~ 果然係愚人節, 整古我呀~?
下午返屋企溫書, ANATA打陣機就要出去教波, 我就自己打機, 我仲未打完隻我的暑假2, 一次過玩佐三日, 又搵到新地方去, 好開心~
我開電視打機果陣見到賣廣告, 今晚有新一輯既PROJECT RUNWAY做, 好開心, 好彩咁0岩睇到個廣告, 否則就會miss佐第一集. 估唔到咁快又有得做, 原來我上次睇果輯係SEASON 1, 今晚開始係SEASON 2. 不過好變態, 之前選佐十六個出黎, 全部人飛到去NEW YORK都未坐低安頓, 就話兩個鐘頭後會eliminate兩個, 得十四個人可以留低繼續比賽, 好harsh呀~~
今晚叫PIZZA HUT外賣同埋睇佐陣無間道, 跟住就要返天水圍勒, 因為兩老去完泰國今晚返~
沒有留言:
發佈留言