我老細又叫佐我去傾計, 佢叫我再考慮清楚, 希望我留底唔好走. 我就話如果我留底你知我有咩要求, 佢話同D再大粒既傾過, 我要求既20%就真係做唔到, 問我最min要求幾多, 我話好難答你喎, 一陣我話10%, 咁公司真係比得10%我的話, 咁我留唔留先?? 同埋佢又唔知今年四月加薪我會加幾多(公司內部既話就大約都係3~5%), 最後我就話min都15%啦, 老細話再同我反映下, 如果到時公司加既幅度唔係我既理想, 叫我到時先再睇下點喎.
跟住老細就話, 佢同部門老細傾過, 如果我真係要走, 部門老細話唔想係出面請人(我既意料中啦, 出面請返黎既話點跟得掂呢度D野呀, 亂到七彩), 佢話一係就會係公司內部搵人轉過黎, 一係就睇下可唔可以係大陸搵人做, 將個POST搬上大陸喎~
我而家見步行步啦, 睇佢點回覆我, 我先再決定睇下點啦.
(你地唔好淨係睇霸王文, 比D意見我好喎~~)
3 則留言:
想走咪走囉,你都唔係而家先諗呢個問題,
只係未有原動力驅動你去實行,既然係唔開心
轉下環境可能會好D呢,有邊個會知道喎!
而且你話哂都讀賢個DEGREE呀,好過我地得
個DIP仲有安全感啦.......
我都有轉工既煩惱呀.....到上星期四為止,已經有7個人遞?辭職信呀....情況之惡劣真係史上之最啦....
我都開始send?RESUME去D AGENT到囉...
其實見下都好呀,對你又無乜影響...
如果你接受公司既挽留,就要預?要繼續?間公司到做落去架喇,另外,你其他同事如果知道?,佢地唔會嘈咩?到時又係煩啦.....
咁激呀,咁公司1個月後咪冇人做野....
發佈留言