呢兩日做到嘔白泡, 說話公司要完全?殺以前元朗留落黎既果套, 所以要由四月一號起全部轉番做同TXO一樣既做法, 但問題多多, 班白痴都唔知點溝通架, 大陸自己轉晒, 香港竟然話仲未confirm幾時轉, 所以香港同大陸既data全部match唔到, D單過唔到黎. 我都唔明, 以前果套我覺得簡單易明方便簡潔, 而家呢套麻煩混亂繁複, 我以前可以3個鐘頭就搞掂晒既野, 轉佐系統之後我做一日都搞唔掂, 唔係我唔熟悉, 因為大肚同事果邊既做法都係一樣, 佢每次放假既野都係我幫佢跟, 所以我都算有做開呢一套, 但果陣我就覺得佢果套咁麻煩, 都係我本身做開果套方便好多; 真係估唔到我而家都要轉埋用呢套麻煩野, 我真係做到好?憎!! 一個人一對手根本做唔到咁多野, 其他人又打電話黎催我快D比文件佢, 不如我比埋條命你啦~! 點做呀? 我真係覺得自己好可憐好委屈, 係個位度一路做一路喊, 又要忍住唔比人知, 真係覺得自己好折墮, 本身自己人工又唔高, 所以我即刻打佐封辭職信, 仲即刻等老細走之前遞佐比佢. 我真係無諗過自己咁衝動會咁做, 雖然我成日口口聲聲話會走, 但都係諗住讀完書或者結埋婚先諗走, 我都估唔到自己會咁堅決呢頭想唔做, 果頭就已經打埋信遞埋. 我老細因為趕住走, 所以話星期四返黎先同我傾.
我就黎失業啦, 有無好工介紹比我呀? 我日文唔識講架啦, 睇都仲OK既; 普通話唔掂... 唉, 你都係聽?兜啦~~
沒有留言:
發佈留言