2006年3月2日星期四

2006年3月2日(四) 好灰...

唉, 我覺得我就黎唔擺得幾耐... 我條腰一向都會痛架啦, 呢個星期痛都仲嚴重, 由朝痛到晚, 我已經盡量lunch食完飯落去行下散下步, 但一坐低就又痛過, 好辛苦, 好想放大假, 因為唔知點解我坐第二D?好地地無痛得咁犀利, 硬係一坐落公司張?就開始痛, 痛到放工. 之前照完磁力共振有結果, check到我脊骨係軟骨退化, 再加上我條脊骨係彎佐少少, 所以都可能是我腰痛的原因. 醫生話而家醫學界都未搵到軟骨退化既原因, 但估計應該係遺傳既問題喎... 呢D問題遺傳到我呢一代算啦, 我成身淨係遺傳佐D差既野, 好既野又遺傳唔到, 所以為佐人類既進化著想, 我覺得我唔生BB係明智既.

除佐腰痛之外, 我隻手(手腕)同個膞頭都好痛啦, 我覺得係職業病啦, 每一日都不停地大量入data, 兩隻手都要成日重覆某個動作. 上星期超級忙, 有日入數入到隻手已經發唔到力, 拳頭都握唔實, 感覺到有D寒意係手腕?面滲出黎咁, 我都唔識形容啦, 總之就好痛啦~~ 咩話, 間唔中要休息下?? 有時忙到飛起恨不得有多幾雙手呀, 忙起上黎我連飲水去toilet既時間都無, 邊有時間休息?!! 我有個同事開始會成日請假, 因為佢有佐要成日去做檢查, 佢放假D野都會PASS比我做. 我真係好想放下大假, 否則日日咁腰痛手痛真係好折磨, 我而家每日返工都要靠撒隆巴斯同安美露做人... 真係好驚遲早會變做因病厭世跳樓既人, 寫寫下呢篇日記真係寫到想喊, 好辛苦...

2006年3月1日星期三

2006年2月28日(二)

今日簡直忙到痴線, 上個星期三有兩個同事一齊請假, 我負責跟佢地D野, 果日忙到顛佐, 好勉強咁八點幾收到工, 但起碼叫做有時間比我做野; 今日都有同事請假, 我又負責佢既野, 但最慘係今日係2月最後一日, 我地SYSTEM要CLOSING, 所以全部單都一定要係今日五點半之前入起晒, 今日簡直係分秒必爭, 平州既貨已經多, 加埋放假同事平謙既貨, 我LUNCH都差D無時間食, 幾廿百個電話打黎追我入數, 一頭煙. 忙都唔係問題, 我都唔會怨好忙, 反而覺得學下其他同事既野都不錯; 但唔該唔好成日打黎催我啦, 我有既自然會入, 會比你地架啦, 我總不成會做完自己KEEP住唔發出去掛?? 同埋好驚好驚做錯野, 因為最後一日, 如果入錯數既話都無時間做ADJUSTMENT, 所以又要花D時間去對清楚, 一定唔可以出錯. 好彩最後都順順利利完成.

三月都黎緊都仲可以凍到十度, 今晚仲要返學... 但天氣實在太恐怖了, 又大風又大雨, 所以我上完lecture就走佐, 無上tutorial.

今晚返到屋企同阿媽傾佐陣, 我地最終應該決定今年12月27日係關島註冊. 至於擺酒就預計07年3, 4月左右, 但問題係07年通勝未出, 揀唔到日子, 唔知點算. 或者乾脆唔揀, 去到訂酒席時有咩日子揀就揀果日?? 另外阿媽話要十萬禮金同埋十圍酒席, 嫁女餅, 過大禮果D再另計喎... 到最後我會唔會被人撻訂嫁唔出架??

2006年2月26日(日)

今日ANATA仲忙, 帶隊都要走幾場, 我就係屋企做家務, 原來做一個好既家庭主婦真係唔容易, 我今日終於的起心肝做佐好多野, 包括: 換被袋, ?下餐桌, 茶几, 電視櫃, 鞋櫃等等既塵; 執齊雪櫃D擺放位置; 洗?所, 洗手盤, ?鏡; 落樓拎洗完既衫; 去百佳入番D貨... 等等. 本來仲想吸埋塵, 但最後都係無時間做.

今晚我出佐去食飯, 今餐飯食得好開心, 我覺得大家互相疾黎疾去(雖然被疾既對象其實只係得一個)幾開心呀, 我諗唔會有人咁小器嬲掛?? 如果無佐呢D既話, 我覺得餐飯會變得好悶架0番~~

2006年2月28日星期二

2006年2月25日(六)

呢兩日ANATA都要忙住出去帶隊, 我朝早起身就溫書, 因為今晚要返去QUIZ. 下午ANATA帶完隊返黎就去佐點心皇買外賣同我一齊食, 食完又溫陣書我就要出門口返學, 今日QUIZ ACCOUNTING, D野都唔難, 我希望可以拎到FULL MARK~~

QUIZ完ANATA接我放學, 我地去佐九龍城黃珍珍食泰國菜, 都幾好食~~

2006年2月27日星期一

2006年2月24日(五)

今日放工即興去做facial, 咁好彩又比我book到. 點知做做下facial阿媽打黎, 原來佢唔記得帶鎖匙 無門口入, 於是我做完facial就搭車返去開門口, 後尾同阿妹講番, 原來阿媽唔係第一次唔記得帶鎖匙. 唔... 咁都唔係辦法喎, 如果下次我地返唔到去開口咁點算呢?? 我就提議改裝鐵閘/木門, 變為一定要鎖門, 唔係一關埋就自己鎖埋果隻, 咁就唔會唔記得帶鎖匙啦~

之後我就落元朗同ANATA食飯, 我地去佐食潮州野, 我印象中都好似無食過, 個蠔仔粥好好食, D蠔大大粒大大碗都只係$22蚊, 好抵; 但個蠔餅就無廟街果D咁好食.

2006年2月19日(日)

ANATA今日都要出去做野, 我朝早溫書, 因為星期六有MID-TERM, 跟住就出去剪頭髮, 我話修少少, 佢問半吋得唔得, 我就答佢一, 兩吋都得, 但結果剪完出黎起碼剪佐我三吋啦~~ 最慘淨係剪個髮無染無HIGHLIGHT無焗油都要剪兩個鐘, 真係唔係好明. 可能你會覺得$88剪兩個鐘好似好抵咁, 但我D時間都好寶貴架~~ 佢實在剪得太仔細啦, 好似逐條逐條剪咁, 剪完一輪我以為完成啦, 點知佢又換過第二把?剪再削薄D頭髮. 雖然效果我都幾滿意, 但如果下次可以剪快少少就最好啦... 下次或者都係去番尖沙咀搵番VENUS剪, 起碼剪開剪熟麻...

今晚係屯門食完飯之後約佐金雅, 我地三個人去佐飲野傾偈. 其實兩個人相處真係要好多學問, 要互相體諒, 包容, 欣賞. 睇見金雅同佢BF既問題, 就好似我以前同肥仔既問題咁, 女方拎個問題出黎傾係想解決問題; 但男方就以為女方想搵交嗌, 傾都唔想同你傾. 所以我都好明白金雅既苦處, 我果陣既「方法」好多時都係?一聲吞佐啖氣就算, 因為知道死肥仔根本就無心同你講, 我一講就話我發脾氣要搵交嗌, 講真我真係唔識同呢種人溝通, 或者佢根本就無心同任何人妥協, 佢自己就係全世界, 永遠覺得自己0岩晒, 唔駛顧人地感受. 所以我好幸慶ANATA佢係一個講道理, 有耐性, 唔會自以為是既人, 我同佢到而家為止 一次交都無鬧過~

2006年2月18日(六)

今日ANATA當然又一早出佐去做野, 我地本來約佐三點鐘係荃灣等, 點知我今朝紮醒果陣已經一點十, 0?0?臨換衫出去. 我地先係荃灣食TEA, 然後就出銅鑼灣, 因為要拎隻戒指去嘈. 之後我地就行落灣仔食飯, 我地book佐食法國菜, 果度服務同環境都OK, 不過上菜又係比較慢...

2006年2月24日星期五

2006年2月15日(三)

今日雖然係荃灣, 但我都同平時差唔多時間起身, 七點半就落去check-out, 然後行去地鐵站, 去到尖沙咀都差唔多成八點二十分.

返到公司洗完杯同同事吹吹下水竟然發覺隻鑽戒唔見佐粒石, 因為我今朝放過隻戒指落手袋, 於是即刻剿下手袋果格睇下係咪0係?面, 但係搵唔到. 好傷心咁打比ANATA, 佢張單已經掉佐, 果陣時都唔知點算. 但隻戒指我只係戴佐半個月, 有咩理由咁鬼渣可以成粒石甩佐出黎架, 痴線架!!!!! 後尾再搵多次, 原來係個手袋既大格度, 我諗係我拎電話果陣甩佐出黎跌佐係手袋?面. 好彩粒石跌落手袋?面0者, 如果跌佐出黎我根本無可能搵得番啦. 離晒譜架, 我一定會去果間舖頭度嘈架, 有咩理由D手工咁鬼不濟架!!

今日ANATA終於決定佐報讀DOCTOR, 原來佢係咁變態... 已經兩個DEGREE一個MASTER, 而家仲報埋DOCTOR. 而我就仲係一個大學都未畢業既HIGH DIP仔...

2006年2月23日星期四

2006年2月14日(二)

今晚本來要返學, 但我選擇逃學, 因為話晒今年係我同ANATA既第一個情人節麻~ ANATA之前已經神神秘秘話今晚唔會返屋企訓, 叫我帶定D衫替換, 我知道佢想比驚喜我, 所以我扮傻無問咁多. 我地放工去佐荃灣悅來酒店, 原來ANATA訂佐住宿連晚餐, 我地係酒店餐廳食飯, 菜有好多道, 但上菜上得非常慢, 我地食呢餐飯差唔多食佐成兩個幾鐘, 真係等到訓著...

食完飯都十點幾, 上房攤係張床度累到死佐~ 不過間房都幾大, 張床係KING SIZE架~

2006年2月22日星期三

2006年2月12日(日)

今日係ANATA學校既家長日, 我下午都出佐去佢學校扮家長參觀, 有攤位遊戲玩, 有棉花糖同爆谷食~~ 夜晚我地入屯門睇彩燈會, 然後去佐食上海野. 總結我所食過既上海菜, 都係西九龍果間最好食, 好掛住佢果個鹹蛋炒南瓜, 係非常非常之好食架~!!