離開東京前的最後24小時

離開東京前, 當然唔少得執行李同埋清理垃圾啦. 我只係喺日本生活佐半年, 所以個人物品唔算好多, 而且流沙包每次過黎探我, 我都叫佢幫我拎佐唔少野返香港. 所以本來諗住淨係寄一箱野返香港就OK.

 

走之前都費事執屋, 間屋亂過乜咁...:

 

 

開始執野, 當然唔少得不斷咁掉垃圾:

呢一袋野拎返公司, 留比下一手黎研修既香港同事:

走之前, 再影吓住既地方先.

 

呢度係宿舍既出面:

 

呢度就係我住佐半年既地方啦:

 

 

 

呢度係auto-lock:

呢度係洗衣房, 洗衣機細既200円; 大既300円:

乾衣機, 100円15分鐘:

搭lift上到黎3樓, 我住既係右面既303室:

密碼鎖, 所以唔駛帶鎖匙:

呢個係我個單位望出去既街景:

 

到佐30號晚, 真係開始pack D野入喼同入旅行袋, 發覺好似唔多夠位喎... 本來無諗住再寄野返香港, 無辦法都係要再寄兩箱返去...

 

到佐31號, 我兩點前要離開住緊既單位, 所以我一朝早就去佐郵局寄野. 兩箱野夾埋既運費差唔多要五千円.

 

之後去佐兩個地點睇櫻花, 分別係隅田公園同埋上野公園. (詳情另一個BLOG再講)

 

然後一點半左右返番屋企, 執包袱走人.

清晒間房啦:

 

 

我既行裝係包括一個旅行喼, 一個大既旅行袋, 一個手挽袋(用黎放notebook同小花), 同埋一個斜揹手袋(用黎放銀行證件相機之類):

 

好似走難咁...

 

我既目的地係羽田機場, 不過唔係返香港, 係飛九州福岡空港呀, 呵呵~~

 

九州8天之旅, 即將推出~~~