九州之旅Day 3(part 1) -- 熊本城(熊本縣)

2010年4月2日(五)

今日一朝早六點幾就check-out, 我地將兩個喼寄存係酒店, 淨係拎D衣物同必需品上路.(用旅行袋hand carry)

去到博多車站, 我地先買佐JR北九州3日pass先, 7,000円:

買pass果陣職員會問你邊日開始用, 日期會印埋係張pass上面, 所以大家要諗清楚邊日開始用呀(3日係要連續3日, 不能分開使用).

 

然後搭6:29既特急リレーつばめ由博多去熊本:

提大家一句, 官方網頁話用JR北九州pass係唔可以搭呢架リレーつばめ架; 要全九州pass先可以搭. 由博多去熊本, 車程約個半鐘.

 

黎到熊本啦, 我地首先將D行李放係車站locker:

 

黎到熊本, 唔駛問當然係去熊本城啦, 去熊本城要搭熊本市電, 去到電停熊本城前站落車, 150円, 約11分鐘:

係熊本城入口會見到加藤清正像(下面有介紹佢係咩人):

係入口已經有好多櫻花啦~~

 

 

 

 

 

熊本城係日本三名城之一, 是慶長12年(1607)由築城名手加藤清正用7年時間建成, 但天守閣及本丸御殿等於西南戰爭時被燒掉, 後來分別於昭和35年(1960)及平成20年(2008)年被復元.

闇り通路:

 

 

 

 

本丸御殿裏面既"昭君之間"(本物於西南戰爭時已全被燒毀, 現時大家見到既係根據古籍及文獻等而重塑之物):

係門口仲可以同呢兩位猛男合照哩:

 

我係日本都去過唔少乜城勿城, 但熊本城真係令我嘆為觀止, 真係超宏偉呀, 果然係日本三名城之一, 極力推介大家黎呀~

 

遊完熊本城, 我地返JR熊本站, 我地見仲有時間, 於是行吓車站附近既100円店, 仲去埋MOS BURGER買佐個餐當做lunch.

 

我地下一站既目的地係阿蘇, 我地搭既係九州橫斷特急, 由熊本往阿蘇, 車程約1小時.

 

我地上到車, 突然發覺有D野未做呀!!! 弊, 點算呀???

 

旅程既第三日就發生呢D咁白痴既事, 呀~~~

 

九州之旅Day 2(part 2) -- 太宰府(福岡縣)

2010年4月1日(四)

離開門司港後, 我要去太宰府. 去太宰府既路線比較複雜, 我先搭JR由門司港返博多, 然後係博多站搭市營地下鐵去到天神站.

 

我買佐張市營地下鐵既一日乘車券, 600円:

去到天神站之後, 再徒步行過去西鐵福岡(天神)站, 搭西鐵天神大牟田線去到西鐵二日市, 再轉西鐵太宰府線去到總站太宰府.

 

由博多出發, 大約要40分鐘先去到太宰府:

 

 

由車站行去太宰府天滿宮既道路, 兩旁有好多手信店架, 可惜我黎到既時候已經五點, D舖頭開始關門啦.

 

 

 

御神牛係呢度既景點之一, 據說摸吓牛頭就會變得聰明, 所以個牛頭已經比人摸到閃閃發光啦:

樓門:

本殿:

點解呢棵樹穿晒窿都仲可以生存既...?

估唔到仲可以係九州睇到櫻花喎:

 

呢度有好多貓貓呀:

呢隻貓完全唔怕人, 仲主動走埋我度擦我對腳, 好嗲呀~~(可惜我無野食餵你呀):

 

呢棵樹好高呀:

 

都係果句啦, 我睇得太多呢類型既建築物啦, 所以對我黎講都無咩特別, 好快行完我就返番博多站勒.

 

到佐夜晚, 越落越大雨, 我去佐天神站同埋中洲川端站諗住搵吓呢度出名既屋台, 打算聽晚同流沙包黎食, 但唔知係咪落雨無開呢? 我搵黎搵去都搵唔到, 唔搵啦!!

跟住我搭車去福岡空港站去接流沙包機, 流沙包班機本來應該兩點幾起飛架麻, 點知我三點半竟然收到流沙包電話, 佢話班機仲未起飛, 吓? 唔係化? 如果流沙包今晚黎唔到福岡, 跟唔到我原先plan好既行程咁就好麻煩... 好彩我七點幾再收到流沙包電話, 佢話已經到佐台灣, 咁我個心都定D.

本來班機原定20:45飛抵福岡架麻, 而家delay到21:58先到, 不過遲到總好過無到啦:

九州之旅Day 2(part 1) -- 門司港(福岡縣)

2010年4月1日(四)

今日一個人自己遊福岡, 我一朝早先去佐門司港, 搭JR由博多站搭鹿兒島本線快速, 唔駛轉車, 車費1,430円, 車程大約一小時20分鐘左右.

博多車站:

到佐門司港啦:

門司港既車站係幾懷舊架喎, 佢係全國車站中首個國指定重要文化財黎架:

 

 

 

今日成日都落住毛毛雨咁, 但都不減我既興致. 我跟住本九州guide book, 先去佐舊大阪商船:

基本上係免費入場, 只係2樓有個gallery要收100円入場費. 我無比錢入去個gallery, 而其他免費參觀既地方其實亦無咩好睇, 我唔駛十分鐘就行完出番黎.

 

跟住我順步行去隔離既舊門司三井俱樂部:

呢度一樓係免費, 但只係得間shop, 有間餐廳之類; 二樓就要收100円入場, 不過我無比錢上去睇(因為睇本guide book完全唔覺得吸引).

 

然後我就行去舊門司稅關, 途中會經過一個商場, 裏面有唔少土產店, 都幾多野睇架.

 

 

舊門司稅關, 建於明治45年(1912), 係好稀有既明治時期既紅磚建築物:

 

 

裏面簡單介紹佐日本海關既工作, 展示佐一D冒牌貨之類:

 

呢一隻叫做カスタム君:

 

呢座建築物係舊門司稅關對面, 大家估吓係咩黎?:

原來係圖書館喎:

 

果度有一條間中升起比船過既橋(Blue Wing), 好彩升起之前趕得切過橋:

 

 

我幾鍾意門司港呢個地方, 好靜(可能今日係平日既關係?), 好悠閒, 感覺好舒服.

 

話咁快就要離開呢度返博多啦:

我係門司港買既野, 都幾好食架: