近況

9月7日既晚餐, 105円既餃子, 105円既炸魚(一半今晚食, 一半留番聽日lunch帶飯):

再係D白飯上面加呢個105円既芝士蝦醬汁, 等個飯無咁乾爭爭:

9月9日同幾個同事出佐去食lunch(社長話呢餐入佢數, yeah!!), 今次食中華料理, 我叫佐個什錦會飯, 有個湯飲吓, 個湯好好飲.

好搞笑, 無啦啦有隻太陽蛋, 呢間中華料理係高級餐廳, 呢個飯要千幾円, 但真係好好食喎~~

我地仲叫佐甜品, 呢個係楊枝甘露, 要八百幾円, 但係完全唔好食, 兼完全唔似楊枝甘露...:

9月9日放佐工去屋企附近既超市Tokyu Store掃特價貨(就係途中比個麻甩佬搭訕囉).

日本D超市好先進, D價錢牌已經改用電子顯示:

 

呢間超市大約七點幾鐘就會開始特價, 但最初只係20% off, 想再平D就要再等多陣啦.

我係附近行黎行去, 等等等, 終於比我發現原來到八點半, 就會改做50% off架啦, 呢個時候亦好多人圍住貼特價label既超市哥仔. 我見有個人好搞笑, 將之前已經放佐入自己個購物籃既便當拎番上黎遞比哥仔, 哥仔又照樣會將50% off既label貼落佢個便當架喎.

狂掃狂掃:

 

 

 

我通常一掃就掃定幾日既貨, 因為由屋企行黎呢個超市要20分鐘(可以選擇搭一個地鐵站黎既, 但車費要160円). 雖然食品期限全部都係即晚就到期, 但我會照掃多幾盒留番黎緊果兩日食(當然壽司我一定會即晚就食佐佢).

9月10日既晚餐, 全部都係尋日0係超市掃既減價食品(但真係超熱氣, 飲食又唔均衡, 短期內我都唔會再食煎炸野架啦, 因為勁生飛滋, 額頭又勁生粒粒).

9月11日放工後係公司附近行吓, 黎佐三個星期, 第一次行公司附近既百貨公司, 今日去佐松屋行, 當然咩都無買到啦, 只係等食品減價, 今日買佐個減價壽司, 原價要1,280円.