2009年9月3日(四) -- 每一日都要煩食乜...

尋日放工後去佐LAWSON 100買野, 主要目的係想買油, 因為買佐D即食意粉, 落鑊炒兩炒加埋包醬汁就食得, 但發覺屋企都無油, 亦無任何調味料, 所以尋晚去買佐支油, 同埋買佐支豉油(其實本來想買包鹽的, 但普通一包鹽都要賣100円, 所以改買豉油, 感覺上好似抵D咁...). 另外當然唔少得買佐D微波爐叮叮食物.

尋晚既晚餐, 福面+餃子+微波爐叮叮炸蝦兩條:

今晚唔想再食日式便當(因為通常都係炸雞or炸豬扒之類), 所以去佐買現成餸菜, 自己可以揀款式同埋揀買幾多. 我買佐下面呢盒野, 大約五百克, 大家估吓呢盒餸要幾多錢?

 

跟住將盒餸分一半, 一半今晚食, 一半留番聽日帶飯:

另外想介紹吓我屋企個雪櫃. 我初初黎到以為個雪櫃無冰格, 後尾先知原來個冰格係下面果層 (恕我孤陋寡聞, 我未遇過呢類雪櫃麻...)