2009年9月6日(日) -- 今日去Tokyo Dome睇野球比賽~

早前公司同事話有兩張野球飛, 位置唔錯, 好近場區, 問我有無興趣去睇, 我梗係話有啦(其實我根本都唔知野球點計分 點打)

今日既比賽係巨人對Yakult, 比賽時間係兩點正, 係Tokyo Dome舉行. 我地約佐0係東京Metro後樂園站2番出口等, 原來一出就係Tokyo Dome.

附近仲有個遊樂場添喎, 好想玩呀:

我地先去食飯, 呢個飯好貴呀, 好似要1,380円, 不過好好食. 同埋我同事請食飯呀, 真係好好人啊~~

然後我地去行吓附近既商場 LaQua, 見到機舖我又忍唔住入去夾公仔, 我入佐五百円, 夾唔到諗住走人, 點知我同事佢又入五百円幫我繼續玩, 終於夾到啦, 同事仲送佐隻公仔比我~ (一千円夾呢隻公仔真係貴...)

然後我地就入場勒, 我地先去換紀念品, 就係巨人隊毛巾一條.

 

跟住就排隊入場, 真係好多人呀. 入場前要做個簡單既security check, 實Q會check手袋.

門票:

我地坐既位置真係好近場區呀, 仲係對到正添喎~

 

 

其實我尋晚已經上網睇過野球既打法, 但係真係無辦法睇得明. 好彩個同事係比賽途中一路有解釋比我聽, 我算叫做有少少明白個玩法啦.

場內好多賣飲品/雪糕/便當既女仔, 大部份都幾靚架:

因為今次係巨人隊既主場, 所以場館內九成都係巨人隊既fans, 當巨人隊得分既時候, 全場既fans都會轉動佢地手上既紀念毛巾, 好壯觀架.

巨人隊應援團, 真係好pro呀:

仲有啦啦隊出場, D女仔會打空翻架, 勁!:

比賽由兩點開始, 打九局, 打到五點三先打完.