頂, 頭先比個麻甩佬搭訕 声をかけられた…なんぱ？！！！

頭先行去屋企附近既商場, 途中無啦啦有個麻甩佬走埋黎, 我初初以為佢想問路, 但佢一開口就問我:

時間がありますか？
(你有無時間?)

我第一個反應係諗起香港通街都係既果D所謂訪問員, 我只係比佐個反應:
はい?

跟住佢就問我:
一緒に遊びに行かない？
(一齊去玩吓好無?)

我擰頭, 同埋答佢:
すいません。

跟住就繼續行無理佢. 點知佢死跟住我, 不停咁問:
学生ですか?会社？
(你係學生定返緊工?)

学生？

会社はどこ？
(你係邊度返工?)

どこ？教えて。
(邊度呀? 話我知吖.)

然後佢應該見到我戴住結婚戒指, 問我:

結婚してる？旦那さんは今家で待ってる？
(你結佐婚? 咁你先生而家係咪0係屋企等緊你?)

一緒に食事に行かない？
(一齊食飯好唔好?)

一時間でもいい。時間ある？
(一個鐘都好吖, 得唔得閒啫?)

佢一路跟住我一路不停問我問題, 係咁問我得唔得閒, 跟佐我好耐, 後尾佢直情想切線攔住我咁濟.

我無開口鬧佢, 因為我唔想比佢知道我唔係日本人(我一開口佢就會聽得出我既口音), 我驚比佢知道我唔係日本人的話會仲麻煩.

好彩佢最後放棄, 無再跟住黎.

佢係咪想搵人援交呢? 如果係無理由搵我呀?! 真係嚇鬼屎...