香港0靚模進軍日本? (已更新)

黎佐日本之後, 我間中都會睇吓香港既新聞(無論係時事或者八卦新聞), 早排睇見話Angelababy同周秀娜都進軍日本, D記者於是問Janice Man有無想過進軍日本.

我真係唔明, 日本呢度咁大, 咩野類型既女仔都有啦, 你地班所謂0靚模有咩本錢有咩本事有咩咁特別可以係度同日本既本地人鬥呀? 日本既model自己都鬥生鬥死啦, 輪唔輪到你地班0靚模過黎爭埋一份呀? 就算比你過到黎發展, 你地班連catwalk都唔識行, 五呎爭半吋, 連style同外型都抄足日本妹既所謂model, 唔係以為自己真係可以係度分到一杯羹吓麻?

我心裏面淨係想講句: 收skin啦~~

頭先睇報紙見到以下呢段娛樂新聞:

Chrissie直言想以模特兒身分發展，又透露在日本, 經理人帶她認識當地傳媒洽談工作。問她會否拍劇，她說︰「我也想，因我很鍾意日劇，會積極學日文。」

都痴痴地, 周秀娜呢D咁既type, 黎到日本完全唔可以算做靚囉, 身材比佢更好既日本女仔又比比皆是, 佢黎發展個屁咩. D娛記又超低能, 竟然問佢會否拍日劇, 講到好似而家大把劇本係手, 只係等佢應承咁款.

我都係果句啦, 係日本, 咩類型既藝人都有, 你連日文都唔識, 講乜野拍日劇呀? 比你肯去學, 都唔係咁快可以學得精啦; 就算比你日文講到好似日本人咁流利, 日本電視台無啦啦仲咩要邀請你拍日劇呀? 當年陳慧琳咁紅先有機會係日本拍日劇咋. 剝吓衫拍過幾個廣告就當自己係model, 仲妄想拍日劇? 咪笑大人個口啦!