食完飯我地去佐參觀吹玻璃, D師傅好勁呀, 兩三下手勢就鉗佐隻馬出黎. 然後去佐參觀玻璃店, 成團都無人買野.
玻璃製作:
之後就係自由活動, 有D團友去佐坐Gondola, 我地無坐到, 淨係周圍行下.
威尼斯係由好多個小島組成, 導遊話每過一條橋就即係由一個島過佐另一個島.
好多賣面具既舖頭, 至於D souvenir shops賣既野都係大同小異.
臨集合前爭取時間去佐聖馬可大教堂, 但因為背囊同大袋都唔比入(有個阿叔會企係門口, 見你拎住袋就會指番你出去), 所以淨係我入佐去, 流沙包就拎住D袋係出面等我. 同埋教堂裏面係唔准影相的.
聖馬可大教堂:
下午四點幾我地就離開威尼斯了.
呢個時候見到有團東瀛遊剛剛黎到威尼斯, 我地導遊話佢地時間上安排得麻麻, 因為咁晏黎到都無咩意思, 行唔到D咩地方, 教堂都是時候關門.
沒有留言:
發佈留言