大榮華酒樓 -- 都真係幾好味喎~~

地址: 元朗安寧路2-6 號2 樓

電話: 2476-9888

 

星期一都係未返到工, 個人好攰, 喉嚨勁痛, 手軟腳軟, 仲忽冷忽熱, 有時就覺得好熱要開風扇, 有時就覺得好凍要圍住件披肩.

 

今日都係0係屋企溫下日文, 睇下奧運, 食完藥攰得濟就訓下晏覺咁.

 

夜晚就出佐去大榮華同振宇等人食飯. 我住係元朗咁多年, 只係N年前去食過一次晚飯咁多. 飲茶就從來都未試過.

 

今次我地8個人, 叫佐雞蛋魚腸, 枝竹牛腩, 鹵味拼盤, 椒鹽九肚魚, 魚湯浸莧菜, 桂花蟹肉炒蛋, 鱔, 蝦醬豬肉, 同埋叫佐馬拉糕及糯米卷.

 

我覺得D餸菜好有特色, 最好食係椒鹽九肚魚, 同埋個馬拉糕真係好好食, 一定要試.

 

另外食食下飯見到關禮傑, 佢同屋企人黎食飯, 坐係我地隔離枱.

 

是次消費每人約$90.