2010年4月9日(五) -- 失望的銅鑼灣聘珍樓結婚週年飯

除佐寫九州之旅之外, 我仲想間中寫吓我返黎香港之後既生活.

 

話說我回歸香港後, 就打電話去聘珍樓book枱食結婚週年紀念飯啦.

 

因為我當年係尖沙咀聘珍樓擺酒, 所以每年都book番去尖沙咀食.

 

點知果日打電話去訂枱, 先知原來尖沙咀聘珍樓已經執佐啦(好似話因為租約期滿喎), 吓~~!!!?? 嗚, 晴天pig pig呀, 估唔到我擺酒既地方咁快就唔再存在啦, 連想間中去回憶下都無, 嗚...

 

本來我諗住即使過佐五年, 已經再無免費結婚週年飯食也好, 我都會繼續keep住去聘珍樓食飯慶祝架麻, 但而家連酒樓都唔係度咯, 無野啦~ (我估計酒樓可能就捉我呢種心態, 所以先咁好送五年既週年飯比新人)

 

咁於是我改去銅鑼灣聘珍樓啦(方便我放佐工過去麻), 唉, 銅鑼灣聘珍樓真係令人好失望呀, D侍應(著白色制服果D)無咩禮貌, 態度麻麻, 無笑容囉... 我地一坐低, 有個侍應就問我地"飲咩呀?", "請問"都無句, 而且D語氣真係好似茶餐廳伙計咁架. 個個都木口木面(係白色制服果D囉, 著黑色制服高級少少既果D都還可以), 你完全feel唔到殷勤囉. 你話如果呢度係普通屋村酒樓, 咁既服務態度我會覺得無咩野; 但呢度係聘珍樓喎, 兩個人去食餐飯閒閒地都過千銀啦, 你D侍應既水準唔係咁吓麻?

 

真係令我更加懷念尖沙咀聘珍樓呀, 因為果度D侍應真係好pro架, 一入到門口個個已經笑容滿面對住你, 態度又殷勤又nice, 令你成餐飯感覺好舒服架(舊年既週年飯BLOG可參考呢度), 而且尖沙咀既趙經理又認得我地(佢仲記得流沙包係教書既), 每次去食飯, 趙經理都會走埋黎同我地吹吓水架. 而家呢間銅鑼灣聘珍樓...? 唉... 

 

 

 

 

 

 

 

九州之旅Day 1 -- 東京飛福岡空港

2010年3月31日(三)

離開墨田區既宿舍後, 就直接去羽田空港勒.

 

去到機場後, 首先要去30號counter, 出張boarding pass, 然後先再去31號counter將行李寄艙.

 

 

我搭既係16:35既機:

 

 

係飛機上既心情好複雜呀, 一方面東京既研修生活咁就完佐, 有點難過同好唔捨得呀; 另一方面其實我已經踏上佐九州之旅, 而家我係出發去玩, 心情應該好期待同興奮先係架麻... 呢D真係名符其實既百感交集. 不過起飛之後我都流佐幾滴眼淚, 因為唔知幾時先有機會再返番東京(我就算再黎日本旅行, 都唔會再去東京架啦麻)

 

經過兩個小時, 飛機終於到達福岡空港啦, 個機場好細個...

 

福岡空港好近博多站, 搭地下鐵空港線, 兩個站就到博多站啦, 好方便.

 

 

 

我book佐博多站附近既酒店, 一出站行兩分鐘左右就到, Sunroute Hotel:

 

 

呢間酒店我係Jalan book架, 當時睇相覺得佢唔錯, 黎到感覺更好, 一來酒店外型同格調都幾OK, 二來front desk招呼我果個staff非常之有禮貌. 

 

入到房, 都唔錯吖(因為係semi-double room, 係咁細架啦).

 

 

 

 

哦, 係Shiseido黎喎:

 

呢度有免費上網, 即刻拎部notebook出黎update吓個blog先.

 

我check-in佐之後就無再出酒店啦, 因為出面落雨, 又無心情一個人行街(流沙包要聽晚先黎到呀), 所以今晚一個人係酒店房食杯麵就算.

在東京的最後一天

3月31日, 是離開東京的日子, 我要兩點前遷出住緊既單位, 所以今日一朝早就起佐身, 黎個東京最後賞櫻之旅.

 

去完郵局寄佐兩大箱野返香港後, 我即刻搭車去隅田公園(都營淺草線淺草站落車), 今日明明係平日, 但都好多人呀~~

我住既地方就喺呢座興建緊既Tokyo Sky Tree隔離咋:

 

 

 

 

 

 

 

呢度有遊覽船搭, 買飛條人龍長, 排隊等搭船條人龍仲長呀:

 

快行完隅田公園之後, 跟手搭車落去上野公園.

 

黎到真係大開眼界呀, 呢度既櫻花真係好靚呀, 呢度有勁多櫻花樹, 沿路既景色真係無得頂呀.

 

 

 

 

 

 

 

 

 

 

如果下年大家黎東京睇櫻花, 而時間所限只能去一個地方的話, 我極力推介大家只係黎上野公園就得架啦.

 

我好欣賞呢張"枱"既設計呀, 有埋放杯既位置, 唔怕唔小心倒瀉, 真係細心呀:

 

上野公園呢度真係好多遊客呀, 好多唔同國籍既人. 期間我聽到一段廣播, 話有個約七十歳既中國遊客蕩失路, 叫佢屋企人聽到廣播後請到上野動物園前既交番喎... 但段廣播得日文咋喎, 如果佢地係自遊行又唔識日文, 咁點呢...?

 

雖然好唔捨得離開, 但就黎兩點啦, 要快D返番屋企執野離開啦~

 

東京研修之旅正式完結; 九州八天之旅即將開始.

流浮山食海鮮: 完全唔掂的歡樂海鮮酒家

地址: 流浮山山東街12號

上星期日, 為佐預祝母親節, 一家人去佐流浮山食海鮮.

Book枱係我個妹負責, 佢話歡樂海鮮酒家出名喎, 咪去試吓囉.

我個妹佢話兩星期前已經打電話去book佐位, 我地七點五去到, D staff話無我地訂位個record囉… 於是咪唯有照等囉.

等佐一粒鐘, 到八點半先有枱可以坐低(不過我估就算訂佐位, 都係要照等架啦). 大家都肚餓, 即刻order野啦, 點知D侍應, 好似又盲又聾咁, 叫佢佢扮聽唔到, 揮手佢又扮睇唔到, 就算聽到你叫佢, 佢又叫你等陣先, 好難先至落到單囉…

落佐單後, 點解等咁耐都未有野食既? 反而其他比我地遲黎果D都已經食到一半啦喎, 好明顯係漏單啦, 於是叫人check check啦. 叫佐一次, 應該無人幫我地check過囉, 因為仍然係乜都未上, 人地隔離枱已經差唔多食晒咁濟… 再叫人check第二次啦, 之後突然間所有野一次過一齊上晒黎, 你係咪玩野呀?

其間個個侍應既面口好似食佐屎咁, D態度好似唔休做唔想做咁, 真係食到一肚氣呀!!

到我地食完, 個蠔餅完全都無黎過, 我地食到一肚氣, 都費事催啦, 佢唔上咪算囉, 點知埋單果陣佢又計埋個蠔餅落去喎. 叫佢地改單啦, 又係得個等字, 我見張單淨係放佐係收銀處枱面無人理, 於是又要再催, 然後個侍應既面口再次食佐屎咁, 埋單果陣連一句多謝都無.

我發誓以後都唔再黎呢間咁不知所謂既歡樂海鮮酒家, D野又唔見得特別好食.

返香港後, 狂食狂食

出九州之旅既blog之前, 寫吓我返佐香港後既生活先啦.

4月7日我由九州返到香港, 晚餐去佐屋企附近既鍋貼大王食:

 

而之後果幾日既dinner食佐:

 

 

 

回歸香港office後日日都要OT, 某日同同事落街食下午茶, 我至愛既雞脾薯條:

某一日同阿頭出街食飯, 佢帶佐我去食素, 味道唔錯:

某日同同事一齊出去食生日飯, 去佐梨花園食韓國料理:

 

又某一日同auditor佢地一齊出去食, 去佐一間陳豪介紹過咖啡既餐廳, 食埋D好鬼似早餐既lunch:

 

 

某日去佐Prince Hotel既Spice Market食buffet，點知呢期係日本料理!? 唉, 早知尋日上網check下先啦! 我之前仲話三個月內都唔再食日本野架麻!!! 激死人啦!!!:

剛剛返到香港果個星期六, 老公去佐參加學界保齡球賽, 我去捧吓場啦:

有學生表演:

 

胡兆康係頒奬嘉賓: