有時係街度成日見到D情侶, 得果十幾歳, 但係已經用「老婆」「老公」黎相稱, 我覺得幾「銀耳」. 又或者見到D唔太熟既親戚朋友, 明明知佢地拍拖拍得幾個月, 就已經用「老婆」「老公」黎稱呼對方, 我聽到就覺得唔知點咁.
可能我比較保守或者比較執著啦, 我拍過幾次拖, 即使最耐果個拍佐三年都好, 但我從來唔會叫bf做老公囉, 當然對方都曾經有要求過我不如叫佢做老公啦, 但我打死都唔肯咁叫囉. 我覺得「老公」呢個稱呼係有好深層既含意, 我認為老公/老婆一生人只係得一個既啫(假如唔離婚的話), 就係結佐婚會同你一生一世果個人, 會對你有承擔有承諾, 大家互相扶持互相關愛, 無論疾病貧窮都唔會嫌棄你既人(咁講好似好老土), 所以我覺得點可以咁隨便就叫對方做老公架?
有D人, 三個月就換一次畫, 每次拍拖都叫對方做老公老婆, 咁你呢世人咪有十幾廿個老公老婆?
或者其他人對呢D稱呼覺得無咩所謂, 唔會咁在乎啦, 但我就會好認真囉, 我0係流沙包求婚後才開始慢慢改口叫佢做老公, 初初果陣仲有D叫唔出口, 唔太自然; 初初果陣係人地面前都唔會叫佢做老公, 叫番流沙包既全名. 所以有時係街見到D十幾歳腦筍都未生埋既0靚仔0靚妹, 叫對方做老公老婆叫得咁鬼自然, 我真係為之側目囉...
我就係咁老土架啦...
































