有時係街度成日見到D情侶, 得果十幾歳, 但係已經用「老婆」「老公」黎相稱, 我覺得幾「銀耳」. 又或者見到D唔太熟既親戚朋友, 明明知佢地拍拖拍得幾個月, 就已經用「老婆」「老公」黎稱呼對方, 我聽到就覺得唔知點咁.
可能我比較保守或者比較執著啦, 我拍過幾次拖, 即使最耐果個拍佐三年都好, 但我從來唔會叫bf做老公囉, 當然對方都曾經有要求過我不如叫佢做老公啦, 但我打死都唔肯咁叫囉. 我覺得「老公」呢個稱呼係有好深層既含意, 我認為老公/老婆一生人只係得一個既啫(假如唔離婚的話), 就係結佐婚會同你一生一世果個人, 會對你有承擔有承諾, 大家互相扶持互相關愛, 無論疾病貧窮都唔會嫌棄你既人(咁講好似好老土), 所以我覺得點可以咁隨便就叫對方做老公架?
有D人, 三個月就換一次畫, 每次拍拖都叫對方做老公老婆, 咁你呢世人咪有十幾廿個老公老婆?
或者其他人對呢D稱呼覺得無咩所謂, 唔會咁在乎啦, 但我就會好認真囉, 我0係流沙包求婚後才開始慢慢改口叫佢做老公, 初初果陣仲有D叫唔出口, 唔太自然; 初初果陣係人地面前都唔會叫佢做老公, 叫番流沙包既全名. 所以有時係街見到D十幾歳腦筍都未生埋既0靚仔0靚妹, 叫對方做老公老婆叫得咁鬼自然, 我真係為之側目囉...
我就係咁老土架啦...
8 則留言:
咿, 我都係喎 ^0^ 但我一向不會叫全名，叫英文名的
[版主回覆02/21/2009 01:08:00]我反而唔會叫英文名呀, 因為流沙包D friends多數嗌佢中文名最後兩個字.
人多地方, 我都唔會叫老婆. 因為一叫, 可能會有好多個女人令轉回應. haha.
[版主回覆02/21/2009 01:13:00]哈哈. 如果係條街有人嗌醫生, 你會唔會擰轉頭睇下?
我都不習慣這樣叫喎, 還是喜歡叫英文名比較多。
[版主回覆02/21/2009 01:15:00]嗌英文名會唔會好似無咁有親切感??~
Agree :)
[版主回覆02/21/2009 01:16:00]幾時決定改口嗌佢?
點解突然有感呀！
[版主回覆02/21/2009 01:18:00]其實篇blog寫佐一段時間, 不過放佐係草稿唔記得post出黎~
係囉,咩樹令你有感而發呢?
我都係決定要結婚後,佢開始叫我老婆先,我先開始叫佢老公咋...初時都係有D叫唔出....後來就慢慢習慣了
反而拍拖後我唔係咁慣叫佢英文名添..... (其實依家都係....)
我都係怪人一名...哈哈哈~~
[版主回覆02/21/2009 01:19:00]開頭嗌果陣... 嗌完自己都打冷震...
我諗都要等結佐婚lu..哈..可能我仲保守過你...:P
[版主回覆02/24/2009 12:21:00]no~ 呢d叫有原則~
嗯嗯...講得好arm...嚴重同意啊!
[版主回覆05/10/2009 16:43:00]. 其實呢篇BLOG出街後, 我都驚會有人留言話我老土/惡意留言架... 好彩暫時都無...
發佈留言