但今日天氣好差, 一朝早已經落大雨...
觀鯨公司有車黎酒店接我地去碼頭:
黎到觀鯨公司喺碼頭既店舖, 黎到先比錢, 出海觀鯨收費係每位4,800円. 店舖仲有D紀念品賣, 最重要係有暈浪丸賣, 比觀鯨費用果陣職員會建議你要食暈浪丸.
喺店舖度比咗錢, 要再上車, 職員會車你去碼頭.
我地就係坐呢架船出海啦:
可惜天氣好差呀:
上到船, 第一件事就係著救生衣, 加上當日落雨, 所以會向大家派埋雨褸.
當日喺船等咗好耐都未開船, 原因係有一組人仲未到喎, 咪就係"香港人"囉!!! 準時係咪會死既啫?!!!!
當日出海觀鯨既有日本人, 香港人, 台灣人同埋一個鬼婆. 未出海之前, 職員會稍作講解, 例如講吓鯨魚既習性, 注意事項等. 由於語言唔同, 日本人就係下面果層由日本職員做講解; 其他人就去上層, 有中國人職員用普通話做講解 (至於個鬼婆, 就等普通話講解完咗之後, 個中國人職員同佢用咗幾句英文做講解).
下面既係日文講解; 上層既係普通話講解:
做完晒講解之後, 終於開船出海啦~ 架船大約行咗大半個鐘, 去到鯨魚既集結地點, 然後就開始追蹤鯨魚既蹤跡.
由於係觀鯨季節, 所以都有好多艘船喺附近:
船上面有雷達, 可以偵測到水底既情況, 所以觀鯨公司話睇唔到鯨魚的話, 會100%退款. 好在當日都睇到鯨魚, 而且仲睇到海豚添喎~~
觀鯨完咗之後, 回程時職員會派發一D簿仔, 比大家寫低感想. 然後返番去碼頭之後, 職員會同每組人影合照架~
跟住職員會車埋我地返番酒店, 真係好好既服務呀~~
返到酒店, 我地就揸rental car離開酒店, 因為今晚同聽晚都會轉酒店, 所以我地將D喼暫存喺酒店, 就出發啦~~
未北上之前, 流沙包心思思想去尋晚去過既天久樂市, 因為尋晚我地去果陣, 間Sports DEPO已經關咗門, 所以流沙包就提議去天久樂市食lunch, 佢順便可以去Sports DEPO shopping.
我地求其係天久樂市搵咗間餐廳醫肚, 左下角就係黎沖繩必食既沖繩苦瓜:
沒有留言:
發佈留言