沖繩七天之旅 Day 3 (Part 3) -- 26 March 2013 (TUE)

上回講到我地參觀咗Okinawa World, 跟住我地就北上, 先去咗嘉手納道の駅, 道の駅係指道路中既休息站, 黎呢度除咗為了去toilet之外, 亦因為呢個道の駅隣近美軍基地, 有機會睇到戰機升降.

不過我地呢日就睇唔到戰機升降啦, 只係離遠睇吓美軍基地, 所以我地只係逗留咗一陣, 去埋個toilet就離開lu.

嘉手納道の駅全貌:

喺觀景台望出去既美軍基地:

果度有要入錢既望遠鏡, 我地就靠個望遠鏡去影D戰機:

離開嘉手納道の駅, 我地下一站黎到American Village美國村.

美國村有好多賣美國衫美國牌子既店舖, 不過我地對美國貨一D興趣都無, 所以無行果度既商場, 反而去咗附近既Sunset Beach.

Sunset Beach顧名思義就係要睇日落, 我黎美國村既原因亦都係為咗想喺呢個Sunset Beach睇日落, 可惜當日天氣麻麻, 乜鬼野都睇唔到...

睇唔到日落, 就唯有搵野食醫肚啦, 話明係美國村, 食既都係美國菜 -- 即係食熱狗漢堡包薯條吧!

行完美國村, 我地就返番那霸. 因為時間尚早, 大家仲想行多陣, 於是我地就去咗酒店附近既天久樂市, 果度有唔少shop架, 例如MUJI, Uniqlo, 啱晒流沙包既Sports DEPO (可惜我地去到既時候已經關咗門), 仲有24小時營業既超市.

除咗shop之外, 仲有D街邊檔可以買串燒小食:

聽日要一早起身出海觀鯨, 買定我至愛既冬甩做明天早餐:

今日既戰利品, 上面係流沙包既; 下面係我既: