星馬五天遊 Day 4 (part 2) -- 13 March 2013

離開環球影城, 基本上係自由活動, 導遊問參唔參加自費活動, 26蚊坡紙 (約HK$160)包一碗魚蛋粉/喇沙, 同埋遊船河 (又遊船河, 唉...). 導遊話全團人一齊參加先會安排活動, 如果全團廿幾人當中有一個人話唔join, 咁都唔會安排呢個自費活動, 全車人返酒店喎...

最後咪全團人join囉... (本來我有個星加坡朋友, 但時間上唔許可, 探佢唔到了, 所以咪join埋個自費活動囉)  

我地先去咗個街市既地方食dinner, 除咗導遊安排果碗魚蛋粉/喇沙, 各團友可以喺街市D熟食檔再自己買野食.

 

我地另外買既魔鬼魚, 12蚊坡紙.

 

呢條係串燒街喎, 一過咗晚上7點D檔販就會擺晒D枱櫈出馬路.

跟住我地就去遊船河.

有人玩笨豬彈:

遊完船河就返酒店.

呢間Furama Riverfront酒店都唔知有無三星級, 仲衰過大陸D酒店. 我知星加坡D野好貴, 但估唔到安排間酒店咁殘咁舊又咁嗱渣架囉!

仲用緊大pat pat電視, 加送雪花:


塊廁板有乾咗既米田共痕架!!! 真係離晒大嫂!!!:

星馬五天遊 Day 4 (part 1) -- 13 March 2013

第四日, 主要都係玩環球影城.

一朝早我地先喺酒店食早餐:

食完早餐, 我地就出發過境去星加坡, 由馬來西亞過星加坡, 就好似深圳過香港咁.

每一日都有好多馬來西亞人過星加坡打工:


過到星加坡後先去酒店放低行李, 呢間Furama Riverfront又舊又殘又烏糟, 真係cheap到爆, 下一篇blog再講.

然後再出發去環球影城, 果度唔算好大, 感覺上比香港迪迪尼仲要細. 唔知係咪因為平日, 大部份遊戲都係唔駛排隊. D機動遊機都唔係好刺激 (不過我係好玩得刺激遊戲既人, 我13, 4歳已經夠膽喺日本富士急遊樂場玩果D跳樓機同過山車, 所以我覺得唔刺激果D, 人地可能已經叫晒救命) 

lunch喺園裏面自費食埋, 果度11蚊坡紙一個lunch set, 即約HK$70.



園外既環境: