九州之旅Day 6(part 1) -- Harmonyland(大分縣)

2010年4月5日(一)

 

今日我地去Sanrio主題公園Harmonyland, 去Harmonyland唔係為佐Hello Kitty, 我只係為佐Keroppi.

 

去Harmonyland, 先要搭JR去到日出或者杵築站, 然後再轉巴士, 要留意D巴士班次真係勁疏架, 有時可能一個鐘都無一班巴士.

 

一出JR日出站, 就見到個巴士站係馬路對面:

因為係平日既關係(我係專登將行程plan到平日先黎呢個Harmonyland), 所以個樂園完全唔多人.

 

呢個樂園感覺其實都幾舊吓, 遊樂設施唔算多, 我地一個上午就已經玩晒所有遊戲兼睇埋個巡遊了.

 

呢幾間尖頂屋仔係售票處, 入場料2,800円:

 

一入門口就見到呢兩隻野, 本來有勁多細路圍住佢地架, 但等佐一陣就鳥獸散, 於是我地可以施施然同佢地合照.

 

雖然今日係平日, 但都有好多父母帶埋仔女黎, 而我聽到呢班細路有一個共通點, 就係都係今日生日架, 我知生日來園係有紀念品送同埋可以係生日event同卡通人物一齊慶祝生日.

 

呢個類似堡壘既地方, 裏面全部以Hello Kitty為佈置主題, 係入口處有staff會問你, 獻唔獻花比裏面既Hello Kitty, 如果你獻花的話, 可以同Hello Kitty合照(張相當然要另計啦, 1,000円一張), 而Hello Kitty就會親手為你戴上一個好可愛既Hello Kitty手飾. 代價係500円.

橫掂一場黎到, 我就用500円獻花比Hello Kitty啦, 仲無無聊聊用佐1,000円買埋張合照. 係等佢地印相果陣, 佢地比我同Hello Kitty用自已相機隨意咁合照.

 

換番黎既就係呢個手飾, 我覺得幾靚架, 我估用黎做頭飾都可以:

 

D機動遊戲都係果D啦...:

 

 

 

 

呢個係類似迪士尼小小世界咁, 又係坐船仔咁去睇兩旁既卡通人物:

仲有表演睇架, 但係我無興趣囉, 望佐兩眼就算:

我地參加佐Bingo遊戲, 500円就可以買Bingo卡一張, 但其實D奬品都係普通野, 例如袋呀, 公仔呀等等.

我當然無中奬啦, 但都唔駛失望, 中唔到奬既人, 可以交張Bingo卡出黎換番紀念品一份:

份紀念品係卡通人物信封信紙一set.

 

最後當然唔少得巡遊啦, 但我好唔開心呀, 因為見唔到我最愛既Keroppi. 巡遊表演佢唔會將所有卡通人物大晒冷, 只會揀幾個出黎. 但你事前又無辦法得知今日係邊幾個卡通人物喎, 真係要睇你好唔好彩遇得中啦...

 

 

睇完巡遊再行吓D shops, 抱住失望既心情離開Harmonyland(因為見唔到Keroppi之餘, 想買既野又賣晒), 跟住我地會離開別府, 向湯布院出發~~