我都唔明, 點解而家D台式飲品店會開到成開成市, 印象中好幾年前興過一輪, 無幾耐就消失佐. 然後最近好似又hit番咁.
而家連我公司樓下都開佐一間, 我公司樓下條路本來已經窄架啦, 而家開埋間貢茶, 搞到成日都一大棚人企晒係度阻住條路.
講真, 我唔明白點解呢D台灣飲品咁受歡迎囉, 好好飲嗎? 我又唔覺; 好抵飲麻? 十蚊八蚊咁鬼屎大杯係好似幾抵飲既; 但係我覺得呢類飲品一定好多糖水呀, 色素呀, 化學成分呀咁囉. 健康咩?
某日公司請飲茶, 我飲佐幾啖就掉鬼佐lu. 我本來叫冰淇淋紅茶, 但係佢地搞錯佐囉, 將兩袋野調轉佐, 到我地拎番啱既時候, 我杯紅茶D雪糕已經溶晒, 我唔夠膽飲啦, 驚肚餓麻.
10 則留言:
都幾好飲GE~~我都成日飲~~
[版主回覆07/14/2010 20:11:00]我就真係未試過自己買黎飲.
超多！總有一間在你左近！！ 因為成本底！只要買部機，入d貨，跟住說明書做，咁就ok架啦！ 所以人人只要有本，不用怕回不到本啦！ 不過…我就好少飲…因為怕肚痛…
[版主回覆07/14/2010 20:11:00]係呀, 而家天氣熱, 我見樓下間貢茶好生意到吖...
我都唔明，點解開到咁多間！我就一般而已！
[版主回覆07/14/2010 20:12:00]ME 2, 如果口渴我多數只會入7仔買支豆漿/綠茶.
我睇見個價錢都無興趣試 (<_<)"
[版主回覆07/14/2010 20:12:00]Y呀? 我見個價錢都幾平吓架喎.
因為好多朋友喜歡新野, 但是我睇最多做多一,二年倒就完, 因為開始唔新, 在旺角已經鬥到 $8 兩杯, 明顯少了很多人飲。
[版主回覆07/14/2010 20:12:00]你睇有1, 2年咁耐? 我估佢到年尾應該執得7788.
前個排留係公司讀書曾經係好突然想飲, 不過我公司附近就冇. 呢+真係開咗好多, 不過我冇幫親過. 我通常都係去番以前好出名既仙X林 因為可以坐係度飲同埋食我最愛既炸魷魚SO 我通常都係飲番最原始既珍珠奶茶, 好少試其他...
[版主回覆07/14/2010 20:12:00]係呀係呀, 我都PREFER仙X林果D.
我細佬話呢d一定會落左好多糖，佢係台灣都唔會飲
[版主回覆07/14/2010 20:12:00]係呀, 我都覺得唔健康, 所以我多數都係飲水. 但我見有D同事真係日日買黎飲.
有時都會想試下飲，不過咁大杯，邊飲得晒
同埋學似你話齋，一定有唔少糖水同色素，少飲為妙
香港地係咁啦，咩都係一輪輪，以前大家係到排芝士蛋糕，家下咪又係無人show…咩都貪新鮮，反而傳統既野就無人理，無人肯做
[版主回覆07/14/2010 20:12:00]香港人最叻就係搵快錢麻, 無辦法啦. 唔做到頂爛市唔安樂的.
我都好似你咁諗, 多糖水呀, 色素呀, 化學成分, 我飲過一次, d味好假, 又甜, 又大大杯, 日日飲肥幾磅都似, 一d都唔健康.
[版主回覆07/24/2010 14:14:00]係呀, 我都覺得飲得多一定肥屎啦~~ 最健康都係飲水~~
我從來都冇買呢o的o野飲o既~ 尤其係咁多人圍圈排隊我更加唔會等住買囉~
[版主回覆07/31/2010 19:52:00]係呀, 條人龍真係超恐怖, 等得黎我不如去7仔買枝綠茶好過.
發佈留言