雖然聽日先係擺酒週年紀念, 但聽晚流沙包有野做, 於是就提早今日去食週年飯. 係頭五年結婚週年紀念日既前後一星期, 我地都可以免費去聘珍樓食佢一餐紀念飯, 二人合共可以食$1,000.
舊年我地好豪咁叫佐套餐食, 又魚翅又鮑魚又大蝦; 今年就試下散叫, 菜色有:
燒味拼盤: 因為聘珍樓既叉燒好好食架, 所以我專登叫個拼盤食. 但今次既叉燒已經唔係以前既好食叉燒, 點解既?
芒果沙律拼煎銀鱈魚: 外形似炸魚柳, 不過好好食.
黃金大蝦: 好好味呀, 蝦夠大隻.
一個翅一個湯.
明太子海鮮炒飯: 我記得舊年既套餐都有呢個飯.
另外因為我地計過叫既野未夠$1,000, 所以求其叫多三個甜品, 分別係生果拼盤, 楊枝甘露同燉奶.
雖然我地係黎食免費飯, 但係招呼服務依然周到. 同埋趙經理仲認得我地, 仲記得流沙包係教書既, 勁! (不過因為當年擺酒發生佐D小意外, 所以趙經理應該會好記得我地)
最後呢餐飯埋單$941, 不過唔駛比錢, 只係放低佐廿蚊貼士就食到飽飽走人~~
3 則留言:
哇..乜原來你果間咁好既.... 果日我同金雅睇樓時.佢都仲提起你地小意外果件事.. 不過其實都係一個回憶來的嘛.:)
[版主回覆04/25/2009 11:51:00]係一個小小既美中不足之處啦... 不過執相果個勁呀, 佢幫我將張相由TOTIN變番做POTIN~
邊間聘珍樓?十多年前我都是在尖沙咀聘珍樓擺酒.......
[版主回覆02/02/2010 23:30:00]我都係尖沙咀聘珍樓架~~ 咁你果陣有無週年紀念飯送架??
乜都無得送~
發佈留言