2009年3月28日(六) -- 打麻雀輸錢, 但輸得好開心

自從遞佐又收番辭職信之後, 我成個禮拜既心情都好低落, 一來唔知自己想點, 二來工作仍然勁大壓力, 三來返學返到無心機...

 

姚姚今晚突然吹雞話上振宇開局, 於是今晚有得去玩下.

 

平時打牌如果手風唔順, 食唔到糊輸緊錢的話, 我會打到好忟好燥; 但今晚我由第一舖開始一直輸, 輸緊幾舊水, 但係我反而覺得好開心喎. 因為我太耐無玩過啦, 今晚有得打麻雀, 我反而唔志在個輸嬴, 而係享受個過程, 同埋享受成班朋友有講有笑既輕鬆.

 

今晚係第一次輸錢輸得咁開心~