今日放佐工同成班同事包括日本人一齊去打bowling, 有同事帶埋仔女黎, 我就帶埋流沙包黎, 非常熱鬧. 我地個個爭住同BB仔影相, 但係我一抱上手阿B就喊, 試過兩次都係咁(我都話我唔適合做人媽咪, 我無愛心).
大家打佐三, 四局, 玩到九點半左右離開南華會. 然後我地去佐怡東酒店食宵夜buffet, 每位$148, 有同事有HSBC白金信用卡有七折. 呢度既宵夜buffet我覺得OK喎, 比我想像中多野食. 有壽司, 小籠包, 碗仔翅, 車仔面等等, 甜品都有好多款, 有cheese cake, tiramisu, 豆腐花, 粟子蛋糕, 布甸等等. 我覺得算係咁, 唔錯.
大家吹吹水, 又教下日本人講廣東話, 食到十二點左右就散啦, 幾開心的一天~~
沒有留言:
發佈留言